Сокуон бырайыактарын икки тылынан таһаарыы олоххо киирдэ

Ил Дархан Айсен Николаев сорудаҕынан 2023 с. тохсунньу 1 күнүттэн Саха сиригэр сокуон бырайыактарын өрөспүүбүлүкэ  судаарыстыбаннай – нууччалыы уонна сахалыы тылларынан таһаарар туһунан Төрүт Сокуон ылылынна.

Ол курдук, бүгүн, тохсунньу 26 күнүгэр, Саха сирин историятыгар аан бастаан сокуон бырайыага СӨ Бырабыыталыстыбатын мунньаҕар нууччалыы уонна сахалыы көрөргө киллэрилиннэ. Аан бастаан нууччалыы уонна сахалыы тылынан СӨ Бырабыыталыстыбатын көрүүтүгэр киирбит сокуон бырайыагынан «СӨ тыа хаһаайыстыбатын сайдыытын туһунан» СӨ Сокуонугар уларытыылары киллэрии туһунан» буолла.

Бу сокуон барыла федеральнай сокуоннарга сөп түбэһиннэрэн тыа хаһаайыстыбатын боппуруостарын бэрээдэктээһини тупсарыыга уонна быраап өттүнэн көдьүүһүн үрдэтиигэ туһуланар.