Сокуоннай сааһын ситэ илик оҕо көрүүтэ суох сылдьарыттан уонна буруйу оҥороруттан сэрэтэр эрэгийиэннээҕи сокуоҥҥа уларытыылар киирэллэр

Ил Түмэн X пленарнай мунньаҕар “СӨ сокуоннай сааһын ситэ илик оҕо көрүүтэ суох сылдьарын уонна буруйу оҥорорун сэрэтэр туһунан” сокуоҥҥа уларытыылары киллэрэр туһунан сокуон барыла бастакы ааҕыыга ылылынна.

Бу туһунан Ил Дархан, бырабыыталыстыба пресс-сулууспата иһитиннэрэр.

“Бырачыас киирбитинэн, өрөспүүбүлүкэ баһылыга Айсен Николаев сокуоҥҥа уларытыыны киллэрэри көҕүлээбитэ, бу өрөспүүбүлүкэ борокуратууратын кытта үлэлээбиттэрин түмүгэ буолар. Сокуон барыла сокуоннай саастарын ситэ илик оҕолор көрүүтэ суох сылдьаннар, буруйу оҥороллорун сэрэтэр хайысхалаах. Хомойуох иһин, сокуон нуормалара түүнүн уопсастыбаннай миэстэҕэ сокуоннай саастарын туола илик оҕолор сылдьалларын хааччахтыыр миэрэлэргэ сыһыаннара араас этэ. Көрүллэр сокуон барыла өрөспүүбүлүкэ улуустарыгар олохтоммут баар бэрээдэктэрин сөптөөх хайысхаҕа киллэрэн биэриэҕэ. Муниципалитеттар бэйэлэрин быраабылаларын хаттаан көрүөхтэрэ, ол сокуоннай саастарын туола илик оҕолорбут бырааптарын көмүскээһиҥҥэ дьайыаҕа», — диэн СӨ бырабыыталыстыбатын бэрэссэдээтэлин солбуйааччы Ольга Балабкина сокуон барылыгар санаатын эттэ.