Сокуоннай сааһын ситэ илик оҕоҕо арыгы атыылаабыттар

ИДьМ управлениетын пресс-сулууспата иһитиннэрбитинэн,  өрөбүл күннэргэ Дьокуускайга арыгылаах бородууксуйаны сокуону кэһэн туран атыылааһын 7 түбэлтэтэ бэлиэтэннэ.

Сокуоннай саастарын туола илик оҕолор дьыалаларын иниспиэктэрдэрэ Ленин проспегар баар маҕаһыын атыыһыта  обургу саастаах оҕоҕо арыгы атыылаабытын биллилэр. Атыыһыт уол сааһын бигэргэтэр докумуоннары ирдии да сатаабатах.

Онтон Жорницкай, Богдан Чижик, Можайскай, Билибин, Тэкки Одулок уонна Березовай уулуссаларыгар баар бородуукта маҕаһыынын үлэһиттэрэ испиирдээх утаҕы 20.00 чаас кэннэ атыылаабыттара быһаарылынна. Быраабы кэһээччилэргэ административнай боротокуоллар толорулуннулар.

Арыгыны атыылааһын сокуонун кэһиини сэрэтиигэ уонна булууга полицейскайдар рейдэлэрэ салҕанар.