Салгыы
Сокуоннай саастарын ситэ илик оҕолор сокуону кэһиилэрин сэрэтэр үлэ ыытыллар

Сокуоннай саастарын ситэ илик оҕолор сокуону кэһиилэрин сэрэтэр үлэ ыытыллар

19.04.2024, 18:27
Хаартыска: Үөрэх уонна билим министиэристибэтэ.
Бөлөххө киир:

Муус устар 18 күнүгэр Үөрэх уонна билим министиэристибэтин иһинэн Сокуоннай саастарын ситэ илик оҕолор буруйу оҥорууларын сэрэтэр сэбиэт мунньаҕа буолан ааста. Мунньахха сыыппара эйгэтигэр оҕо, ыччат куттала суох буолуута курдук суолталаах тиэмэни көрдүлэр.

Тэрээһин иитинэн билиҥҥи кэмҥэ ордук тоҕоостоох, ыччат ортотугар экстремисткай хайысхаҕа сыһыаннаах буруйу оҥорууну булар, сэрэтэр, тохтотор тиэмэлэри ырытыстылар. Ону тэҥэ, оҕолорго куһаҕан өттүнэн дьайар куйаар ситимигэр баар “скулшутинг”, “колумбайн”, “булинг” курдук кыһалҕаларга улахан болҕомтону уурдулар.

Горнай, Хаҥалас, Мииринэй улуустарын уонна Дьокуускай куорат үөрэҕин управлениеларын бэрэстэбиитэллэрэ сыыппара эйгэтигэр сокуону кэһиини сэрэтэр эбии миэрэлэр ылыллыыларын туһунан кэпсээтилэр. Оҕолор уонна ыччаттар информационнай эйгэттэн куһаҕан содулу ылбаттарын туһугар туһаайыллыбыт уопуттарын, бастыҥ быраактыкаларын үллэһиннилэр.

Мунньах кыттыылаахтара оҕолор куйаар ситимигэр куттала суох буолууларын хааччыйар инниттэн бииргэ үлэлэһэргэ бэлэмнэрин биллэрдилэр. Бу туһунан Үөрэх уонна билим министиэристибэтэ иһитиннэрэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июня
  • 18°C
  • Ощущается: 17°Влажность: 55% Скорость ветра: 2 м/с

Сообщить об опечатке

Текст, который будет отправлен нашим редакторам: