Сокуоннайа суох бултаабыт киһиэхэ тэриллибит холуобунай дьыала суут көрүүтүгэр ыытылынна

Арассыыйа Силиэстийэлиир кэмитиэтин Саха сиринээҕи управлениетын Хоту оройуоннар икки ардыларынааҕы силиэстийэлиир салаата олохтоох дьокутааты РФ Холуобунай кодексын 258 ыстатыйатын 2 чааһынан (сокуоннайа суох бултааһын) буруйдуур холуобунай дьыалатын силиэстийэтин түмүктээтэ.

Бу туһунан СӨ Силиэстийэлиир кэмитиэтэ иһитиннэрэр.

Силиэстийэ быһаарбытынан, 2024 сыл атырдьах ыйыгар буруйданааччы, итирик туруктаах, мотуордаах оҥочонон Абый улууһун «Бадьарыыха тардыыта» ураты харыстанар айылҕа пааркатын устун кыылы-сүөлү бултааһын көҥүллэнэ илик кэмигэр айаннаабыт.

Кыылы-сүөлү бултааһын бобуллубут кэмигэр буруйданааччы,  көҥүлэ суох, бэйэтэ ииттинэр булт харабыынынан биир тайаҕы өлөрбүт. Ол курдук, буруйданааччы судаарыстыбаҕа 400 тыһыынча суумалаах  хоромньуну оҥорбут.

Силиэстийэлиир дьаһаллар түмүктэринэн, буруйу оҥоруу бары түгэннэрэ чопчуланан, буруйдаах киһи буруйун толору билинэн, оҥорбут хоромньутун толору толуйбут.

Бигэргэммит буруйдааһыннаах холуобунай дьыала суут көрүүтүгэр ыытылынна.