Иһитиннэрии сымыйа буолара билиннэ

Дьокуускай пааркатыгар сааһын ситэ илик кыыска сокуоннайа суох дьайыы туһунан иһитиннэрии олоҕо суоҕа билиннэ.

Балаҕан ыйын 2 күнүгэр Интэриниэти кэтээн көрүү түмүгэр, киэһэ 18.45 саҕана Дьокуускай пааркатыгар биллибэт киһи 10 саастаах кыыска сокуоннайа суох быһыыны оҥорбутун туһунан иһитиннэрии баара биллибитэ.

СӨ Ис дьыала министиэристибэтин Холуобунай  ирдэбил салаатын үлэһиттэрэ бу киһи хамсааһынын барытын үөрэтэн, итиэннэ кэтээн көрөр хаамыраттан ылыллыбыт устууну болҕойон көрөн баран,  видео ааптарын уонна онно уһуллубут киһини булан ыйыталастылар. Сокуоннайа суох быһыы туһунан иһитиннэрии бигэргэммэтэ. Ол киэһэ 54 саастаах  киһи уолун успуорт комплексыгар дьарыкка аҕалбыт эбит. Дьиэтигэр төннөн кэлэн баран, дьонуттан смартфоҥҥа устан социальнай ситимҥэ таһаарбыттарын туһунан билбит. Силиэстийэ кэмигэр өрүттэр өйдөммөт түгэннэри чопчуластылар.

«Атын киһи чиэһин уонна бэйэ суолтатын (достоинство)  эбэтэр кини аатын-суолун түһэрэн, билэ-билэ сымыйа иһитиннэриини тарҕатыыга эппиэтинэс сүгэргитин санатабыт. Куйаар ситимигэр анал  бөлөхтөрү тэрийбит дьон   официальнайа суох источниктартан киирбит иһитиннэриилэри болҕомтолоохтук бэрэбиэркэлииллэригэр, официальнай бэлиэтээһиннэргэ боломуочуйалаах уорганнар пресс-сулууспаларыгар эрийэллэригэр уонна дьону сыыһа өйдөлүлгэ киллэрэр сурахха-садьыкка болҕомтолоохтук сыһыаннаһалларыгар ыҥырабыт«, — диэн СӨ Ис Дьыала министиэристибэтин пресс-сулууспата иһитиннэрэр.