Сокуоннайа суох үлэттэн ууратыллыбыт эр киһи быраабын көмүскээтилэр

Саха Өрөспүүбүлүкэтин Үрдүкү суутугар СӨ Борокуратуурата сокуоннайа суох үлэттэн ууратыллыбыт эр киһи быраабын көмүскээтэ.

Бу туһунан СӨ Борокуратуурата суруйар. Борокуруор федеральнай сокуонунан көрүллэр үлэттэн ууратыы бэрээдэгин кэһии тахсыбытын быһаарда. Ол курдук, үлэ биэрээччи эр киһини үлэттэн  босхолуон иннинэ быһаарыы сурук ылбыт уонна сокуонунан ирдэнэр икки нэдиэлэ болдьоҕо бүтүөр диэри ууратар туһунан бирикээс таһаарбыт.

Суут быһаарыытынан  Дьокуускай куорат уокуругун «Жилкомсервис» тэрилтэ бирикээһин сокуоннайа суоҕунан көтүрдүлэр уонна  сайабылыанньа биэрээччигэ орто хамнас төлүүргэ уураахтанна.