Сокуоннайа суохтук саа оҥорбуттара биллибит

Дьокуускайга холуобунай ирдэбил үлэһиттэрэ сокуоннайа суохтук саа оҥорбуттарын быһаарбыттар. Бу туһунан СӨ ИДьМ пресс-сулууспата суруйар.

Быһаарыллыбытынан, Дьокуускай 42 саастаах олохтооҕо сөп түбэһэр лиссиэнсийэтэ суох пневматическай бинтиэпкэни атыыласпыт.  Маны көҥүл атыылаабыт уорбаланааччы киниэхэ бинтиэпкэ бойобуой туругун тупсарар конструкцияны тиксэрбит. Бинтиэпкэни атыыласпыт киһи сааны дьиэтигэр эркин уонна орон икки ардыгар харайа сылдьыбыт.

Салгыы бинтиэпкэни былдьаабыттар уонна эспэртиисэҕэ ыыппыттар.

Сокуоннайа суохтук сааны оҥоруунан холуобунай дьыала тэрилиннэ.