СӨ Борокуратууратын пресс-сулууспата
Ньурба оройуонун борокуратуурата сокуону кэһэн үлэтиттэн ууратыллыбыт үлэһит үҥсүүтүнэн бэрэбиэркэни ыытта.
Бэрэбиэркэ түмүгүнэн, сайабылыанньа суруйбут үлэһит болдьохтоох үлэ дуогабарынан дьиэҕэ үөрэтэр учуутал дуоһунаһыгар үлэлии сылдьыбыта быһаарыллыбыт. Үлэ дуогабарын болдьоҕо бүппүтүн кэннэ, үлэһит үлэтин салгыы толоро сылдьыбыт. Ол эрээри, үлэ биэрээччи көҕүлээһининэн дуогабар болдьоҕо бүппүтүнэн сибээстээн үлэтиттэн ууратыллыбыт.
Бэрэбиэркэ көрдөрбүтүнэн, үлэ биэрээччи үлэһити ууратыы бэрээдэгин кэспит. Чуолаан, үлэһиккэ үлэ дуогабара тохтуурун туһунан үлэ сокуонугар ыйыллыбыт бэрээдэгинэн эрдэттэн биллэриллибэтэх. Итини таһынан, үлэ дуогабарын болдьоҕо бүппүтүн кэннэ үлэһит үлэтин салгыы толорбутунан сибээстээн, болдьохтоох дуогабар болдьоҕо суох буолан хаалбыт. Онон борокуратуура үөрэх тэрилтэтин дириэктэригэр дьаһал ыларыгар этии киллэрбит. Борокуратуура ирдэбилинэн, учуутал урукку дуоһунаһыгар төннөрүлүннэ, хамнаһа толору төлөннө. Маны таһынан, борокуратуура көҕүлээһининэн үөрэх тэрилтэтин дириэктэрэ РФ Административнай кэһии туһунан кодексатын 5.27-с ыст. 1-кы чааһынан (үлэ сокуонун уонна үлэ быраабын нуорматын тутар атын нуормалыыр-быраап аахталары кэһии) сэрэтии көрүҥүнэн административнай эппиэккэ тардылынна диэн СӨ Борокуратууратын пресс-сулууспата иһитиннэрэр.
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…
Дойду Үөрэҕириитин министиэристибэтэ быйыл үөрэххэ туттарсааччылар ханнык орто анал үөрэх идэлэригэр хото сайабылыанньа биэрбиттэрин иһитиннэрдэ.…