Хаартыска: Андрей Сорокин / ЯСИА.
Бүгүн, атырдьах ыйын 14 күнүгэр, Ил Дархан Айсен Николаев сокуону уонна бэрээдэги хааччыйыыны сүрүннүүр мунньаҕы салайан ыытта.
Манна биир сүрүн боппуруоһунан сокуоннай саастарын туола илик оҕо уонна ыччат сокуоннайа суох быһыыга-майгыга сыстыытын утары охсуһар эбии миэрэлэри дьүүллэһии буолла.
“Боппуруос олус сытыы. Чопчу быһаарыылары ылбатахпытына, балаһыанньа өссө мөлтөөн барыан сөп. Ыччат дьыалаларыгар уонна социальнай коммуникацияҕа министиэристибэтэ үгүс үлэни ыытар эрээри, ол барытын саба туппат. Бу биир управление буолбакка, бүтүн бырабыыталыстыба, олохтоох салайыныы уорганнара, федеральнай структуралар бииргэ үлэлээһиннэрин эрэйэр сорук. Маныаха араас патриотическай тэрээһиннэри ыытыы күүһүрүөхтээх», — диэн Айсен Николаев мунньах кыттыылаахтарын бары эппиэттээх тиһиктэри түмүүгэ болҕомто ууран, сэрэтэр миэрэлэри күүһүрдэргэ ыҥырда.
Мунньахха, урукку сылларга, ордук 2024 сылга, өрөспүүбүлүкэҕэ сокуоннай саастарын ситэ илик оҕолор буруйу оҥоруулара тэтимнээхтик түспүт буоллаҕына, 2025 сылга маныаха үрдээһин бэлиэтэнэр. Бөлөҕүнэн буруйу оҥорууга, уорууга, массыынаны күрэтиигэ, үбү-харчыны былдьааһыҥҥа, ону тэҥэ сокуоннайа суох наркотигы атыылааһыҥҥа уонна информационнай-коммуникационнай технологиялары туһаныыга сыһыаннаах буруй үгүстүк бэлиэтэнэр.
Сиһилии: https://www.sakha.gov.ru/news/9913 сигэнэн билсиҥ.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…