Сокуону кэспит Томпо балыксытыгар бириигэбэр таҕыста

Томпо улууһун олохтооҕо Хаандыга эбэҕэ былырыын балаҕан ыйыгар илимнээн, 62 дьарҕааны, икки быйыты, түөрт хойоок балыгы туппут.

Балыктаныа суохтаах кэмҥэ илимнээн, кини уу биологическай ресурсаларыгар 120 тыһыынчаттан тахса солк. хоромньуну оҥорбут.

Холуобунай дьыаланы көрөн баран, суут балыксыты 160 чаас күһэлэҥ үлэҕэ анаабыт уонна оҥорбут хоромньутун төлүүрүгэр уураахтаабыт. Бириигэбэр сокуон күүһүгэр киирэ илик.