Хаартыска: ааптар тиксэриитэ
Н.Е.Мординов аатынан үөрэхтээһин холбоһуга үтүө үгэһин тутуһан, сыл аайы «Учуутал күнүн» 11-с кылаас үөрэнээччилэрэ иилээн-саҕалаан ыыталлар, учууталлары солбуйан, уруок ыыталлар, оонньуулары тэрийэллэр.
Быйылгы үөрэх дьылыгар 7 выпускник 5-10 кылаастары үллэстэн, кылаас салайааччытын оруолун толордулар, нэдиэлэни быһа араас үлэни ыыттылар: хаһыат таһаартарыыта, муусукаалынай нүөмэрдэри бэлэмнээһин о.д.а. Бырааһынньык күн сарсыардаттан оҕолор бука бары учууталлары эҕэрдэ аккырыыккалаах, минньигэс тутуурдаах үөрэ-көтө көрүстүлэр. Бу күн кылаастар учууталларга анаан бэлэмнээбит эҕэрдэ нүөмэрдэрин көрдөрдүлэр, учууталларга араас көрдөөх оонньуулары оонньоттулар.
«Бэйэни салайыныы күнүн» дириэктэр Ян Васильев, үөрэх чааһыгар дириэктэри солбуйааччы Алиана Данилова, иитэр үлэҕэ дириэктэри солбуйааччы Викториан Герасимов уонна учууталлар Мотя Собакина, Алевтина Андреева, Вадим Осипов, Женя Сердцев олус үчүгэйдик тэрийэн ыыттылар.
Уоскулаҥ кэмигэр линейка кэмигэр оҕолору оонньоттулар. «Солбук учууталлар» уруоктарын оҕолор олус сөбүлээбиттэр, үчүгэйдик өйдөтөллөр диэн сэҥээрбиттэрин биллэрдилэр.
Кылааһым оҕолоро бэйэлэрэ иилээн-саҕалаан, нэдиэлэ устата түбүгүрэн, учуутал оруолун олус бэркэ толорбуттарыттан, учууталларга бэртээхэй дьоро уонна сынньалаҥ күнүн бэлэхтээбиттэриттэн олус үөрдүм уонна астынным.
Маны таһынан, оскуола үөрэнээччилэрин «Орто-Амма кэскилэ» түмсүүтэ иитэр үлэни тэрийээччи Варианна Васильевна Макарова салалтатынан «Бэйэни салайыныы күнүн» туһунан видеоролик таҥан оҥордулар, үөрэнээччилэр санааларын уһуллулар
Варвара ТРОФИМОВА, Таатта, Харбалаах
"Муравьев-Амурскай 2030" бырагыраама бэһис түһүмэҕин саҕаланыыта Москваҕа «Арассыыйа» национальнай кииҥҥэ үөрүүлээх быһыыга-майгыга ыытыллар. РФ Уһук…
Тирэх пуун үлэһиттэрэ байыаннай сулууспалаахтарга баһыылкалары тиэрдэллэр. Бу туһунан өрөспүүбүлүкэ тирэх пууннарын сүрүн координатора "Юстас"…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …
2 №-дээх полиция отделын дьуһуурунай чааһыгар балыыһаттан ойоҕоһугар тостуулаах киһи киирбитин туһунан иһитиннэрии киирбит. Холуобунай…
Дьарыктаах буолуу сулууспатын көмөтүнэн ааспыт сылга өрөспүүбүлүкэҕэ байыаннай эпэрээссийэ 121 кыттыылааҕын үлэҕэ ыллылар. 61 киһи анал…