Солкуобайтан куттаммат хаһаайыттар ыттарын ирдэһэллэр.
Бу туһунан бүгүн, ахсынньы 12 күнүгэр, ыттары быстах кэмҥэ тутар «Помоги выжить” пуун салайааччыта Екатерина Безрученко иһитиннэрдэ.
— Биһиги пууммутугар бүрүсүлүөскэ уорбаланар анаалыстаах биэс ыты билигин туспа тутан турабын. Ол эрээри, хаттаан анаалыс оҥоһулла илигинэ мин кинилэри өлөттөрөр кыаҕым суох. Онон бу уорбаланар анаалыстары Санкт-Петербург куоракка эрэ баар килииникэҕэ оҥотторуохпун баҕарабын. Тоҕо диэтэххэ, уорбаланар анаалыстары Москва куоракка сыыһа оҥорбуттар дии саныыбын. Оттон 736 ыттан анаалыһы маннааҕы бэйэбит бэтэрэнээринэй лабораториябыт оҥорбута. Бүрүсүлүөскэ уорбаламмыт биэс ыты иккис анаалыс түмүгэ биллэ илигинэ өлөрө охсор туох да туһаны аҕалыа суоҕа.
Пуун үлэтин-хамнаһын сырдаттахха, биһигини эмиэ кэҥэтэн эрэллэр. Уопсайа уоннуу ыт турар отут вольеры тута сылдьаллар. Күн ахсын уокуруктартан бэйдиэ ыттары аҕалаллар. Үгүстэрэ хаһаайыннаах ыттар буолаллар. Биһиги хаһаайыннаах ыты тутуу иһин 1500 cолкуобайы ааҕабыт. Онно ыты ыраастааһын, чииптээһин сууммата 400 солкуобай эбиллэр. Күн ахсын пууҥҥа аһаабытын иһин 300 солкуобайы эбэн иһэбит. Ол эрээри солкуобайтан куттаммат хаһаайыттар ыттарын ирдэһэн кэлэ тураллар. Биһиги пууммутуттан биир да ыты таһаарбакка турабыт, ол эрээри ыттар дьоҥҥо саба түһүүлэрэ тахса турар. Ыттаах хаһаайыттарга миэрэ ылыахха наада.
Күн-дьыл туруга бу күннэргэ хайдаҕый? Өрөспүүбүлүкэ соҕуруулуу-арҕаа өттүгэр, Халыма-Индигиир оройуоннарыгар кыралаан хаардыыр. Киин улуустарга сорох…
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…