Солоҕоҥҥо ыксаллаах балаһыанньа эрэсиимэ биллэрилиннэ

Горнай улууһун Солоҕон нэһилиэгэр уу таһыма кутталлаах кирбиини куоһарда, уу таһымын үрдээһинэ 4 чаас устата 18 см буолла. Нэһилиэнньэлээх пууҥҥа ыксаллаах быһыы эрэсиимэ олохтонно. Ол туһунан Саха сирин суһал ыстааба иһитиннэрэр.

Успуорт саалатын, элбэх өҥөнү оҥорор культурнай-административнай киин уонна биэс олорор дьиэ тиэргэннэрэ ууга ыллардылар. Ону тэҥэ хочуолунай турар сирэ хабылынна.

Икки олорор дьиэҕэ уу номнуо киирбит. 28 киһини, ол иһигэр 10 оҕону, аймахтарынан тарҕаттылар. «СӨ ОДьКХ» ГУП квартальнай хочуолунайа араарылынна.