Солоҕоттор от былаанын 80 бырыһыан толордулар

Быйыл сайын Горнай улууһун Солоҕон нэһилиэгэр от үүнүүтэ орто этэ.

Олохтоохтор сүөһүлэрин, сылгыларын сыл тахсар отторун бэлэмнээһиҥҥэ туруммуттара. Ол түмүгэр 784,5 туонна оту кэбистилэр.
Нэһилиэк тыа хаһаайыстыбатын исписэлииһэ Сардана Дормидонтова иһитиннэрбитинэн, бу иһигэр мобильнай биригээдэлэр көрдөрүүлэрэ эмиэ киирэ сылдьар. Ол курдук Солоҕоҥҥо тэриллибит 4 мобильнай биригээдэ 65 т оту соҕотуопкалаабыт. Кинилэр бөһүөлэктэн 42 км тэйиччи сирдэринэн оттообуттар.