Женни Стрюкова хаартыската.
Бүгүн Чурапчы улууһугар ситэриилээх былаас отчуота салҕанар. Бырабыыталыстыба Бэрэссэдээтэлин бастакы солбуйааччы Дьулустаан Борисов салайар оробуочай бөлөҕө үс бөлөххө хайдыһан үлэлиир.
Улууска саамай элбэх сүөһүлээх, сылгылаах Соловьев нэһилиэгэр отчуоту СӨ тыатын хаһаайыстыбатын уонна аска-үөлгэ бэлиитикэтин миниистирин солбуйааччы Сахаяна Павлова туруорда. Биллэрин курдук, нэһилиэк былырыын үүтү туттарыы, оттооһун былаанын толорбута. Олохтоох көҕүлээһиннэри өйүүр бырагыраамаҕа кыттан, субсидия ылан, ыалларга ититии киирбитин киһи сэргии истэр.
Мунньаҕы салайан ыыппыт улуус баһылыга Степан Саргыдаев нэһилиэк олохтоохторо ыйытыылары биэрэллэригэр ыҥырда. Олохтоох оскуола дириэктэрэ эһиил оскуолаларын 100 сыла буоларын иһитиннэрдэ. Улуус дьаһалтата хамыыһыйа тэрийэргэ былааннаан олорор эбит. Ону тэҥэ оскуолаҕа өрөмүөн үлэтин ыытыы ирдэнэр.
Валентина Тимофеева хочуолунай эргэрбитин эттэ. СӨ ОДьКХ уонна энергетика министиэристибэтин департаменын салайааччытын солбуйааччы Ульяна Апросимова Мырыла сэлиэнньэтигэр биир хочуол уонна электриката уларыйарыгар үп көрүллүбүтүн эттэ.
Олохтоохтор сытар балыыһаҕа наадыйалларын этиннилэр. Суол быстар кэмигэр эрэйи көрсөллөрө болҕомтоҕо ылыллыан наадатын чопчулаатылар.
Tыа хаһаайыстыбатыгар сыһыаннаах ыйытыылары Иннокентий Собакин биэрдэ. Кини сир өртөммөт буолан, оттуур сир талахха былдьаппытын, уот да турар кутталын үөскэтэрин, үүт харчыта улаатаары гыммытыгар аны сүөһүлэрэ кытараары гыммыттарын, онно оҕуһу дуу, искусственнай сиэмэлээһини дуу хайдах гынары туоһуласта. Онно улуустааҕы тыа хаһаайыстыбатын управлениетын начаалынньыга Анжелика Неустроева быһаарбытынан, былырыын улуус дьаһалтата өйөөн үп көрөн, улууска 6 оҕуһу ылбыттар, быйыл 4 кэлиэхтээх. Мырылаҕа уон оҕустаахтар эбит. Өртөөһүн боппуруоһугар СС ТХНЧИ лабораториятын сэбиэдиссэйэ Елена Пестерева эппитинэн, 2018 сылтан чинчийиини саҕалаабыттар.
Түмүккэ нэһилиэк олохтооҕо Александра Собакина олохтоох көҕүлээһиннэри өйүүр бырагырааманан, улуус баһылыгын С.А.Саргыдаев, «СӨ ОДьКХ» ГУП филиалын салалтатын көмөлөрүнэн 18 ыалга ититии киирбитин иһин махтанна. Виктор Илларионов өссө дьиэлэри толору хааччыллыылаах оҥорорго үлэлэһэргэ этии киллэрдэ.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…