Хаартыска sakha.gov.ru ылылынна
Бүтүн Арассыыйатааҕы «Семья года — 2024» күөн күрэскэ Улахан Чыыстайтан (Муома улууһа) элбэх оҕолоох Василий уонна Елена Соловьевтар дьиэ кэргэн кытыннылар.
Кинилэр «Семья – хранитель традиций» номинация кыайыылаахтарынан буоллулар. Эрэгийиэннээҕи түһүмэххэ кинилэр «Көс ыала» номинацияҕа кыайбыттара.
Соловьевтар биэс оҕолоохтор. Уруйдаана, Владимир, Леонид, Глафира уонна Иван. 2013 сыллаахха «Эрикит» (1300 табалаах) община тэриммиттэр. Нэһилиэк, улуус, өрөспүүбүлүкэ, ону таһынан, Арассыыйа таһымнаах тэрээһиннэргэ кытталлар, ону таһынан оҕолорго, үтүө санааланыы аахсыйаларыгар спонсордыыллар.
Соловьевтары Москваҕа алтынньы 16-19 күннэригэр наҕарааданы туттарыы үөрүүлээх бэлиэ түгэнигэр ыҥырбыттар. Наҕарааданы Кириэмил дыбарыаһыгар туттараллар. Тэрийээччилэр айан суолун төлөбүрүн, онно тиийэн олорууну, аралдьытар тэрээһиннэри төлүүллэр.
Бэлиэтээн эттэххэ, куонкуруска 5 сүрүн номинацияҕа («Многодетная семья», «Молодая семья», «Сельская семья», «Золотая семья», «Семья – хранитель традиций») 388 дьиэ кэргэн кыттыбыта бэлиэтэнэр.
Тэрийиэр кэмитиэт чилиэннэрэ кыттааччылар сыллата элбээн иһэллэрин бэлиэтииллэр. Быйылгы сылга 11 тыһ. тахса ыал кыттыбыт, бу былырыыҥҥытааҕар үс төгүлүнэн элбэх диэн этиллэр.
Маны сэргэ, атырдьах ыйын 1 күнүгэр «Семья года — 2024» Арассыыйатааҕы куонкурус «Народная симпатия» номинацияҕа онлайн-куоластааһын түмүктэммитэ. Манна Ньурба улууһуттан Владимировтар кыттыбыттара. Тэрийээччилэр куоластааһын түмүгэ атырдьах ыйын 15 күнүгэр диэри биллиэҕэ диэн иһитиннэрэллэр.
СӨ Ил Дарханын уонна Бырабыыталыстыбатын пресс-сулууспата
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…