СИА архыыбыттан
Өлүөхүмэ улууһун Солянка сэлиэнньэтин олохтоохторун аатыттан бүгүн өрөспүүбүлүкэ Борокуратууратыгар сайабылыанньа түһэрбиттэр. Ол туһунан Дьокуускай куорат олохтоохторо, дойдуларын туһугар ис сүрэхтэриттэн ыалдьар Вера Смогайлова уонна Анна Лепчикова иһитиннэрдилэр.
Сайабылыанньа ис хоһоонунан алтынньы ый саҥатыгар Солянка сэлиэнньэтин таһыгар гаас үлэһиттэрин баахтабай бөһүөлэктэриттэн Өлүөнэ эбэҕэ түһэр Солянка үрэххэ тэхиньиичэскэй уонна кирдээх ууну быраҕыы буолбут. Ол эбэтэр, “Проект-сервис” ХЭТ алтынньы 3 күнүттэн тэхиньиичэскэй ууну КС-2 бырамыысыланнас былаһааккатыттан Солянка үрэххэ быраҕыылара саҕаламмыт. Онуоха анаан-минээн турба тардыбыттар.
Солянкалар маннык кирдээх ууну бырахтарыыны кытта сөбүлэспэттэрин биллэрбиттэр. Тоҕо диэтэххэ, бу үрэҕинэн кыһыҥҥы суол ааһар эбит. Ону тэҥэ иһэр уу киртийииэ диэн дьаахханаллар. Онон ааспыт ый 24 күнүгэр олохтоохтор түмсэн мунньахтаабыттар уонна Өлүөнэ эбэни киртитэр кирдээх ууну баахтанан үлэлээччилэр тохпотторун модьуйаллар.
Онон Борокуратуура уонна айылҕа харыстабылын үлэһиттэрэ уу боруобатын түмүгүнэн былааны таһынан бэрэбиэркэни ыытыахтара.
Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…