Мария Сергеева хаартыскаҕа түһэриитэ
Горнай улууһугар Атамай орто оскуолатыгар сыллата «Сомоҕолоһуу — ситиһии төрдө» диэн төрөппүт дэкээдэтэ үрдүк таһымнаахтык ыытыллар.
Бу дэкээдэ иитинэн быйыл хас да күн устата «Оскуола уонна дьиэ кэргэн — бииргэ» диэн улахан тэрээһин буолла. Манна сыала-соруга: дьиэ кэргэн үгэстэрин өйөөһүн, дьиэ кэргэҥҥэ таптал эйгэтин үөскэтии, оҕолор ортолоругар дьиэ кэргэн сынньалаҥын култууратын иитии.
Бу тэрээһин иһинэн маннык хайысхаларынан үлэлэр ыытылыннылар:
1. Аhаҕас уроктарга сылдьыы. Ол түмүгүнэн, уопсайа 54 урокка 63 төрөппүт сырытта.
2. 1-11 кылаастарга төрөппүттэр оҕолорго «Чөл олох» диэн тиэмэҕэ кылаас чаастары ыыттылар.
3. Төрөппүттэргэ бырайыак суруйуутугар күөн күрэс ыытыллыбыта. Манна 6 киhилээх 5 хамаанда, уопсайа 30 төрөппүт кыттыыны ылбыта. Хамаандалар олус үчүгэй, интэриэhинэй уонна сайдыыга туһуламмыт туһалаах бырайыактары суруйан көмүскээбиттэрэ. .
4. Тохсунньу бүтүүтүгэр «Военная игра» эстэпиэтэ буолбута. Тоҕустуу төрөппүт кыттыылаах үс хамаанда күүстээх, эрбии тииһин курдук эгил-тэгил эриһиилээх киирсиини көрдөрбүтэ.
5. Соторутааҕыта төрөппүтэргэ аналлаах «Бары бииргэ» лекторий буолла. Манна Горнай улууһун дьаһалтатын, тэрилтэлэрин исписэлиистэрин десана ыалдьыттаабыта, туһалаах бэсиэдэлэр, лиэксийэлэр буолбуттара. Холобур, Горнай улууһун ИДьМ исписэлиистэрэ «Безопасность в сети» диэн тиэмэҕэ лиэксийэ аахпыттара, дьоҥҥо-сэргэҕэ өйдөтөр-сүбэлиир, сэрэтэр үлэни ыыппыттара.
6. Улуустааҕы сокуоннай саастарын туола илик оҕолор дьыалаларын уонна кинилэр бырааптарын көмүскүүр хамыыһыйаттан кэлэн «Правовая грамотность» кэпсээбиттэрэ, ыйытыыларга хоруйдаабыттара.
7. «Здоровье-это база» диэскийэ болҕомтону тарита.
8. »Эйгэ» ресурснай киин исписэлиистэрэ үөрэххэ көмөлөһүү уонна үөрэҕи ситиһэргэ ньымалары кэпсээн, үөрэтэн, быһааран улахан сэҥээриини ыллылар.
9. ЦСППСиМ психолога төрөппүттэргэ психологическай тренинг ыыппыта биһирэннэ.
Бу курдук сомоҕолоһон, көмөлөөн үлэлиир буоламмыт, элбэҕи кыайа-хото тутабыт. Ким түмсүүлээх — ол кыайыылаах, ким сомоҕолоһуулаах — ол ситиһиилээх.
Мария Сергеева,
Атамай, Горнай.
Мария Сергеева хаартыскаларга түһэриитэ.
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…