Хаартыска: М.Васильева (ЯСИА)
Дьокуускайга ыытыллыбыт икки күннээх Гражданскай пуорум балаҕан ыйын 10 күнүгэр «Гражданскай уопсастыба: Кыайыы туһугар сомоҕолоһуу» диэн пленарнай мунньаҕынан түмүктэннэ.
Гражданскай пуорум-2025 Аҕа дойду Улуу сэриитигэр Кыайыы 80 сылыгар, Арассыыйаҕа Аҕа дойдуну, Саха сиригэр Ийэ дойдуну көмүскээччи сылларыгар ананна.
Пленарнай мунньахха Саха Өрөспүүбүлүкэтин Ил Дарханын уонна бырабыыталыстыбатын дьаһалтатын салайааччы Георгий Михайлов, РФ Уопсастыбаннай балаататын сэкиритээрин бастакы солбуйааччы, Арассыыйа Дьоруойа Вячеслав Бочаров, РФ Судаарыстыбаннай Дууматын дьокутаата Галина Данчикова, СӨ Уопсастыбаннай балаататын бэрэссэдээтэлэ Станислав Иванов уонна СӨ ыччат дьыалатыгар уонна социальнай коммуникацияларга миниистирэ Петр Шамаев кытыннылар.
Георгий Михайлов: “Гражданскай пуорум биир сүрүн соругунан биһиги бэйэ-бэйэбитин кытары чугастык билсэрбит, билиибитин, уопуппутун атастаһарбыт буолар. Эһиги бары бииргэ бырайыак толкуйдуурга өссө элбэх биир санаалаахтаргытын буларгытыгар эрэнэбин.
Дойду бэрэсидьиэнэ Владимир Путин үүнэр көлүөнэни майгы-сигили өттүнэн иитиигэ ылыммыт быһаарыытынан, биһиги оҕолорбутун, сиэннэрбитин иитэргэ ууруллар боппуруостары дьүүллэһэргэ кыһаллыахпыт. Сүрүнэ, дьоллоохтук, эйэлээхтик олорорбут, өрөспүүбүлүкэбит сайдарын туһугар сомоҕолоһуохтаахпыт. Түгэнинэн туһанан, пуорум кыттыылаахтарыгар барыларыгар махтанабын”, — диэтэ уонна Кыайыы сотору кэлэрин туһугар туох кыалларын барытын оҥоро сылдьар Дьокуускай куорат уонна өрөспүүбүлүкэ улуустарын волонтердарыгар махтанна.
Бу күн волонтердар, волонтердар хамсааһыннарын салайааччылара Саха Өрөспүүбүлүкэтин “Амарах сүрэх” бочуотунай бэлиэтинэн, Ил Дархан Махтал суругунан, СӨ бырабыыталыстыбатын Грамотатынан, Ил Дархан уонна бырабыыталыстыба дьаһалтатын Махтал суругунан наҕараадаланнылар.
РФ Судаарыстыбаннай Дууматын дьокутаата Галина Данчикова Аҕа дойду Улуу сэриитигэр олохторун толук уурбут 27 мөлүйүөн сэбиэскэй дьон туһунан өйдөбүнньүгү, сэрии устуоруйатын токурутуохтарын баҕаралларын, онон аныгы ыччаты дьиҥнээх устуоруйаны билэллэригэр ыҥырыы улахан суолталааҕын бэлиэтээтэ. Аҕа дойду Улуу сэриитин кырдьыгын харыстыыр туһугар 2025 сылга Судаарыстыбаннай Дуума 12 федеральнай сокуону ылынна, мемориаллары, көмүүлэри урусхаллааһын иһин холуобунай эппиэтинэс олохтонно.
“Бастатан туран, Гражданскай пуорумҥа көхтөөхтүк кыттыбыккытыгар махтанабын. Соҕомоҕолоһуу, биир ньыгыл буолуу туһунан олус элбэхтик этилиннэ. Биһиги сомоҕолоспотохпутуна, биир санаанан үлэлээбэтэхпитинэ, Кыайыыны чугаһатыахпыт суоҕа. Онон, Сахабыт сирин волонтердарыгар ис сүрэхпиттэн махтанабын. Мин бэйэм байыаннай дьайыыга сылдьыбытым. Саха саллаатын харысхал курдук көрөллөрүн, ылыналларын билэбин. Биһиги өрөспүүбүлүкэбит байыаннай дьайыыга көмөтүнэн атыттарга улахан холобур буолар”, — диэн ыччат дьыалатыгар уонна социальнай коммуникацияларга миниистир Петр Шамаев Гражданскай пуорум кыттыылаахтарыгар махтанна.
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…
Балаҕан ыйа. Киһи ордук күһүҥҥү уһун киэһэлэргэ санааҕа-онооҕо ылларан, ханна эрэ сылаас дойдуга, саҥа эйгэҕэ,…