Хаартыска: Туйаара Иванова.
Бэс ыйын 25 күнүгэр саха норуодунай суруйааччыта, духуобунас академига, драматург, прозаик, документалист-суруйааччы, публицист, уопсастыбаннай диэйэтэл Василий Егорович Васильев-Харысхал төрөөбүтэ 75 сылын көрсө, Амма улууһун Соморсун нэһилиэгин ыһыаҕын чэрчитинэн, кини олоҕун, айар үлэтин сырдатар түмэл экспозицията үөрүүлээх быһыыга-майгыга аһылынна.
Кини чугас доҕотторо, норуодунай бэйиэт Наталья Харлампьева салайааччылаах суруйааччылар бөлөхтөрө тиийэн, тэрээһиннэргэ көхтөөхтүк кытта сылдьаллар. Баһылай Харысхал чугас доҕоро, нуучча бэйиэтэ, прозаик, Арассыыйа Суруйааччыларын сойууһун чилиэнэ, «Литературная Россия» хаһыат урукку эрэдээктэрэ Владимир Еременко кэлэн, Амма алгыстаах сиригэр ыалдьыттыы сылдьар.
Экспозицияҕа кини олоҕун кэрчиктэрин хаартыскаларга, тус малларын, кинигэлэрин, үлэлээбит остуолун, рукописьтарын, архыып докумуоннарын көрүөххэ сөп, ону таһынан П.А. Ойуунускай аатынан Саха академическай тыйаатырыгар турбут “Эргиллиэм хайаан да” испэктээкилин сүрүн оруолларын көстүүмнэрэ турдулар.
Киэһэ 7 чаастан Баһылай Харысхал суруйуутунан, дьиҥ олоххо буолбут түбэлтэнэн, Александр Лукин уһулбут «Белый ангел тундры» уус-уран киинэни көрдөрдүлэр.
Бэс ыйын 26 күнүгэр сарсыардаттан ыһыах саҕаланар. Ыһыах үгэс буолбут тэрээһиннэрин сэргэ, «Харысхал уонна тыйаатыр» диэн П.А. Ойуунускай аатынан Саха тыйаатырын айар түһүлгэтэ В.Е. Васильев-Харысхал аатынан Соморсуннааҕы норуот айымньытын дьиэтигэр буолуоҕа. Онон соморсуннар ытык киһилэрин үбүлүөйүн дьоһуннук бэлиэтииллэр.
Василий Егорович Харысхал аҕа көлүөнэ саха суруйааччыларын үгүстэрин кытта бииргэ алтыспыт, доҕордоспут, кинилэртэн элбэххэ үөрэммит, алгыстарын ылбыт айар үлэһит этэ. Биир идэлээхтэрэ-суруйааччылар кэпсииллэринэн, саха норуодунай суруйааччыта Софрон Данилов драматургияҕа саха литературатын кэскилин чуолаан Харысхалга көрөрө.
Василий Егорович саха суруйааччыларыттан биир бастакынан история «үрүҥ бээтинэлэрин» хаһыспыта. Саха бастакы интэлигиэннэрин Василий Никифоров – Күлүмнүүрү, Хаҥалас Ксенофонтовтарын, Гавриил Никифоров – Манньыаттаах Уолун, Амма улууһун бастакы кулубатын Асклипеодот Рязанскайы, о.д.а. дьоннор суолларын-иистэрин ирдэһэн, араас омук дойдулар архыыптарыгар үлэлээбитэ уонна норуотугар кинилэр ааттарын тилиннэрбитэ.
Кэлиҥҥи сылларга Саха сиригэр информационнай-телекоммуникационнай технологиялары (ИТТ) туһанан буруйу оҥоруу ахсаана элбээтэ. Өрөспүүбүлүкэ олохтоохторо дистанционнай…
Арассыыйа Үөрэхтээһиҥҥэ министиэристибэтэ 1250 учууталы 200 000 суумалаах харчынан бириэмийэлээтэ. Кинилэр ортолоругар Саха сирин 9…
Бүгүн, атырдьах ыйын 30 күнүгэр, өрөспүүбүлүкэ хотугулуу-арҕаа, киин өттүгэр кыралаан ардыаҕа. Арҕаа, соҕуруу сорох сиринэн…
Бүгүн, атырдьах ыйын 30 күнүгэр, Дьокуускайга 100 км сүүрүүгэ Арассыыйа чөмпүйэнээтэ саҕаланна. Старт сарсыарда 7…
Бу күн Кыыс бэлиэтигэр, оттон Ый Охчут бэлиэтигэр киириэхтэрэ. Ол аата биһигиттэн чуолкай буолуу ирдэниэ, ол эрээри…
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…