Ангелина Васильева хаартыскаҕа түһэриитэ.
Соморсун нэһилиэгэр 830-ча киһи олорор. Манна кэнники сылларга оҕо уһуйаана, хочуолунай, дьоҕус баһаарынай чаас, »Соморсун» ТХПК саҥа хотоно тутулуннулар. Амма улууһугар биир бигэ туруктаахтык дьаһанан олорор нэһилиэк буолар.
Ол курдук, оҕо төрөөһүнүгэр, эдэр ыал олохсуйуутугар, саҥа дьиэни туттууга үчүгэй көрдөрүүлээхтэр. Манна нэһилиэнньэни кытары анал, тиһиктээх үлэ түмүктээх буолар эбит. »Эдэр ыал» бырагырааманан сыл аайы иккилии ыалы дьиэлииллэр. Онон эдэр ыаллар олохсуйаллар, сылга 10-12 оҕо төрүүр.
»Саҥа саҕалыыр фермер» бырагырааманан хас да киһи көмө ылбыта. Түөрт бааһынай хаһаайыстыба холбоһон, »Чагда» агрокластер тэриллибитэ. Маны тэҥэ, »Соморсун» кэпэрэтиип, племенной сылгыны иитэр »Үрүйэ» тэрилтэ бааллар. »Соморсун» кэпэрэтиип этин, үүтүн оҥорон таһаарар сыаллаах »Амтан Ас» диэн тэрилтэ тэрилиннэ. Нэһилиэк дьаһалтата бу кэпэрэтииптэри, хаһаайыстыбалары сайыннарар сыалтан, 500-түү тыһыынча солкуобайы биэрэр. Онон сүөһү ахсаана эбилиннэ.
Социальнай хантараактары хото туһаналлар, сыл аайы алталыы киһи ылар. Ол түмүгэр парикмахерскай, химчистка, столярнай, шиномонтажнай, эти эрбиир, сыбааркалыыр сыахтар арыллыбыттара. Кэтэх хаһаайыстыбаны сайыннарарга, үлэ буларга эмиэ ылбыттара. Урбаанньыт Наталья Демьянова ыраас ууну бытыылканан атыылыыр, үүт аһы оҥорон таһаарыыны саҕалаата.
Соморсуннар бырабыыталыстыба отчуотун кэмигэр кулуубу, оскуоланы, спортивнай сааланы, хочуолунайы тутары туруорсаллар. Нэһилиэнньэ киин ититии ситимигэр 50% холбонон олорор.
Төһө да спортивнай саала суоҕун иһин, соморсуннар улуустааҕы кэлим спартакиадаҕа, 16 көрүҥҥэ бириистээх миэстэлэри ылаллар.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…