Люция Бурцева хаартыската
Бу күннэргэ киин куоракка Хомус аан дойдутааҕы түмэлигэр «Саха интеллигенцията үйэлэр кирбиилэригэр: Готовцевтар дьылҕалара» диэн олус интэриэһинэй быыстапка үлэтин саҕалаата.
Быыстапка тэрийээччитинэн Готовцевтар сыдьааннара, Уус Алдантан төрүттээх Люция Бурцева буолар. Былыргы хаартыскалар архыыптарын уһун сыллар тухары Люция ийэтэ Готовцева Раиса Ревовна (1958-2019 сс.) сыа-сым курдук тутан көрөн-истэн, мунньубут.
Люция хос-хос эһээтэ – Байаҕантай улууһун кулубата, кыраайы үөрэтээччи, этнограф, историк, меценат, попечитель Пантелеймон Готовцев-Бааса Атыыһыт. Кини ииппит уола Феофан Готовцев – улуус бастакы кооператора, гражданскай сэрии кыттыылааҕа, меценат уонна попечитель, ииппит кыыһа – Саха сирин бастакы феминисткаларыттан биирдэстэрэ, миэдик, разведчица Матрена Готовцева этилэр.
— Бу Готовцевтар төрүттэрэ, олох былыргыттан ыллахха, Хаҥаластар сүдү тойонноро Тыгын инитэ Уһун Ойуун эбит. Номоххо кэпсэнэринэн уонна архыып докумуоннара туоһулуулларынан бу Байаҕантай Хаҥаластара нуучча кэлиитин саҕана, билигин Дьокуускай таһыгар Киллэмҥэ Мэкчиргэ Бөҕө диэн тойонноох олорбуттар, — диэн Люция Бурцева кэпсиир.
Быыстапкаҕа сүүс сыл анараа өттүнээҕи хаартыскалар, докумуоннар туруорулуннулар. Онон, интэриэһиргээбит дьон Хомус түмэлигэр (Киров уул., 31, 3 этээс) кулун тутар 12 күнүгэр диэри кэлэн көрүөххүтүн сөп.
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…