Сонун идэҕэ үөрэтэллэр

Саха сиригэр араас идэҕэ урутаан бэлэмниир киин “Маникюр исписэлииһэ” куурус үөрэҕин түмүктээтэ.

Истээччилэр — оҕолонон олорор ийэлэр, үлэтэ суох дьон  идэ сибидиэтэлистибэтин ыллылар. “Демография” национальнай бырайыак чэрчитинэн “Дьарыктаах буолууга өйөбүл” федеральнай бырайыак иһинэн үөрэтии 18 күн устата барда.

Сүрүн сорук – эбии идэни биэрии, дьону дьарыктаах, үлэлээх оҥоруу. Бырагыраамаҕа олоҕуран идэ ахсаана элбээтэ. Ким баҕалаах «Работа в России» (trudvsem.ru) портаалга киирэн билсиэн сөп.