Сонуну тарҕатар ситимнэр иһитиннэриилэринэн ыытыллыбыт бэрэбиэркэ түмүгүн туһунан   

Өлөчөй анал интэринээт-оскуолатыгар олорор инбэлиит оҕолор бырааптара кэһиллэрин туһунан иһитиннэрии тарҕаммытынан, Өрөспүүбүлүкэ борокуратуурата сорудахтаан, Мэҥэ Хаҥалас улууһун борокуратуурата бэрэбиэркэ ыыппыт.  

Интэринээт икки дьиэтигэр, ону тэҥэ, оскуола үөрэтэр куорпуһугар уонна куукуна дьиэтигэр тымныы, итии уу, интэринээккэ суунар уонна тахсан киирэр, уо.д.а. хостор суохтара быһаарыллыбыт.

Борокуратуура оскуола дириэктэригэр сурук ыыппыт, улуус уонна интэринээт-оскуола дьаһалталарыгар кэһиллиини туоратарга эбээһинэс түһэрэр туһунан суругар суут сөбүлэспит.

Ылыллыбыт миэрэлэр түмүктэринэн кэһиллиилэри туораппыттар, ол иһигэр тымныы уонна сылаас уулар ситимнэрин холбообуттар, ууну ыытыыны, интэринээт дьиэлэригэр салҕааһын тутан, суунар уонна тахсан киирэр хостору оҥорбуттар. Ити туһунан Борокуратуура телеграм-ханаалыгар суруйаллар.