Сорох эми-тому иһэн суоппардар бырааптарыттан матыахтарын сөп

Сорох эми-тому иһэр буоллахха, тырааныспары салайар быраабыттан матарар испииһэк баар буолуон сөп. Испииһэккэ болҕомтону мөлтөтөр, утутар уонна уоскутар эмптэри киллэрэр былааннаахтар, диэн Госдуума Доруобуйа харыстабылын кэмитиэтин салайааччыта Сергей Леонов РИА Новостига иһитиннэрдэ.

Госдуума бу сокуон барылын бастакы ааҕыыга номнуо ылыммыт. Уларытыылары РФ Административнай кэһиилэр тустарынан кодексатын 12.8 ыстатыйатын бэлиэтээһинигэр уонна 27.12.1 ыстатыйатыгар киллэрэри этэллэр.

Сокуону кэһээччилэргэ 45 тыһыынча солкуобай ыстараап уонна биир сыл аҥаарыттан икки сылга диэри суоппардыыр бырааптарын матарыы куттала суоһуур. Леонов чуолкайдаабытынан, сааҥсыйаны туһанарга, суоппарга болҕомтону  мөлтөтөр, ол гынан баран этиловай испиири эбэтэр атын мэйиини эргитэр эттиктэр баалларыттан итирии бэлиэлэрэ баара быһаарыллыахтаах. «Дьон массыына ыытыан иннинэ ханнык эмптэри иһэр бобулларын чэпчэкитик өйдүүрэ улахан суолталаах», — диэн парламентарий бэлиэтээтэ.