Билии күнэ быйыл өрөбүл күнүгэр түбэһэринэн сорох эрэгийиэннэр бырааһынньыгы балаҕан ыйын 2 күнүгэр көһөрдүлэр.
Ростов, Кемерово, Пенза уобаластарыгар уонна да атын эрэгийиэннэринэн билии линейкэтын номнуо көһөрдүлэр. Билии күнүн бырааһынньыгын Ростов, Кемерово, Тюмень, Пенза уобаластарыгар, ХМАО уонна Татарстаҥҥа балаҕан ыйын 2 күнүгэр бэлиэтиэхтэрэ. Москватааҕы Үөрэх уонна билим департаменын пресс-сулууспатыгар, үөрүүлээх линейкэни бэнидиэнньиккэ уонна саҥа үөрэх дьылын саҕалааһыны көһөрөр туһунан быһаарыы ылыллыбытын бигэргэттилэр. Ол гынан баран, бырааһынньыгы балаҕан ыйын 1 күнүгэр эмиэ бэлиэтиэхтэрэ. «Балаҕан ыйын 1 күнүгэр Москва куорат 80 паркатыгар үөрэнээччилэр уонна кинилэр төрөппүттэригэр 400-тэн тахса аралдьытар тэрээһиннэр, ол иһигэр бастакы кылаас үөрэнээччилэрин параадтара, араас кэнсиэртэр, тыйаатыр туруоруулара, быыстапкалар уонна дьаарбаҥка ыытыллар», — диэн олохтоох үөрэх министиэристибэтигэр иһитиннэрдилэр.
Ити курдук, быйыл сорох үөрэнээччилэр сайыҥҥы сынньалаҥнара биир күн уһаан бириэр. Бэлиэтээн эттэххэ, Саха сиригэр Билии күнүн балаҕан ыйын 2 күнүгэр көһөрөр туһунан быһаарыы ылылла илик.
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)