Сорох ийэлэрбитигэр, кырдьык, сааскылыы күн тыкта

Байыаннай эпэрээссийэҕэ сулууспалыыр үс байыас уоппускаларыгар дойдуларыгар кэлэн иһэллэрин туһунан Ньурба улууһун баһылыга Алексей Иннокентьев бэйэтин телеграм-ханаалыгар кэпсээтэ.

— Бүгүҥҥү бырааһынньык күн сорох ийэлэрбитигэр, кырдьык, сааскылыы күн тыкта. Байыаннай сулууспалаах үс уол уоппускаларыгар көтөн кэллилэр. Бүгүн тута дойдуларыгар массыынанан айанныыллар. Кинилэри Дьокуускай аэропордугар «Стройнадзор» тэрилтэ салайааччыта Павел Аргунов, улуус бэрэстэбиитэлэ Прокопий Чымыров, биир дойдулаахтара, билэр дьоно көрүстүлэр.
Уолаттарга үгэс быһыытынан СӨ Ил Дархана Айсен Сергеевич Николаев аатыттан саха быһаҕын туттардылар.