Сорох оройуоннарынан -50°С кыраадыска диэри тымныйыа

Саха сирин синоптиктара ахсынньы 28 күнүгэр кыралаан хаар түһэрин, хотугулуу-илин оройуоннарынан -50°С кыраадыска диэри тымныйарын билгэлииллэр. Бу туһунан Саха сиринээҕи УГМС саайта иһитиннэрэр.

Өрөспүүбүлүкэҕэ арҕаа, соҕуруу, хотугулуу-илин кыралаан хаар түһэр, атын улуустарынан сөҥүүтэ суох, киин улуустарынан туман, хоту муора кытылынан сөкүүндэҕэ 15-20 м. түргэннээх буурҕа түһэр.

Салгын температурата түүн -38-43°С, хотугулуу-илин -45-50°С, арҕаа, соҕуруу улуустарынан -30-35°С, соҕуруулуу-арҕаа -19-24°С кыраадыс тымныы. Күнүс салгын температурата -33-38°С, хотугулуу-илин -42-47°С, арҕаа, соҕуруу улуустарынан -23-28°С,  соҕуруулуу-арҕаа -15-20°С. Арктика кытылынан түүн -35-40°С, күнүс -27-32°С кыраадыс тымныы.

Дьокуускайга салгын температурата түүн -39-41°С, күнүс -36-38°С кыраадыс тымныы. Тыал суох, туманнаах, кыра тыаллаах.