Сорох оройуоннарынан буурҕа түһэрин сэрэттилэр

Бүгүн, от ыйын 28 күнүгэр, Уус-Маайа, Сунтаар, Ньурба, Мииринэй, Ленскэй улуустарыгар сорох сирдэринэн күүстээх ардах түһүөҕэ. Бу туһунан Саха сиринээҕи Гидрометкиин сулууспатын пресс-сулууспата сэрэтэр.

Алдан, Нерюнгри, Уус-Маайа, Томпо, Чурапчы, Таатта, Өймөкөөн, Кэбээйи, Эдьигээн, Эбээн-Бытантай улуустарыгар сорох сиринэн этиҥнээх ардах түһэрэ күүтүллэр, этиҥнээх ардах кэмигэр буурҕа түһэн, силлиэ тыал сөкүүндэҕэ 15-20 м. түргэннээх буолуоҕа.Ону таһынан күүстээх уонна уһуннук түһэр ардахтарынан өрүстэргэ уонна үрэхтэргэ ардах халаанын уута кэлэрэ сабаҕаланар. Кыра үрэхтэргэ уу муҥутуурдук таһымнаатаҕына, хонууга тахсан тыа хаһаайыстыбатын сирин-уотун сорҕотун ылыан сөп.