Сорох оройуоннарынан күүстээх буурҕа түһэр

Бүгүн, тохсунньу 27 күнүгэр, Саха сирин үгүс улуустарынан кыра хаар түһэрэ күүтүллэр. Сорох оройуоннарынан синоптиктар сөкүүндэҕэ 41 м. тиийэ түргэннээх буурҕа түһэрин сылыктыыллар. Бу туһунан УГМС саайта иһитиннэрэр.

Ленскэй оройуонугар сөкүүндэҕэ 15-17 м. күүстээх буурҕа түһэрэ сабаҕаланар. Булуҥ улууһугар соҕуруулуу-арҕааттан тыал күүһүрэрэ күүтүллэр: сөкүүндэҕэ 20-25 м. түргэннээх тыалырыа, сорох сиринэн сөкүүндэҕэ 31-36 м. түргэннээх тыалырыа, күнүс сөкүүндэҕэ 25-30 м. түргэннээх күүстээх тыаллаах, сөкүүндэҕэ 36-41 м. тыал күүһүрэрэ күүтүллэр.

Салгын температурата киин оройуоннарга -32… -37°С,  былыта суох буоллаҕына -37… -42°С, хоту -42… -47°С,  хотугулуу-илин -47… -52°С,  соҕуруулуу-арҕаа -25… -30°С. Күнүс киин оройуоннарга -30… -35°С, соҕуруулуу-арҕаа -21… -26°С, хотугулуу-илин -35… -40°С, Өлүөнэ өрүс алын тардыытынан -45… -50°С.

Дьокуускайга хаар түһэр, арҕаттан сөкүүндэҕэ 3-8 м. түргэннээх тыаллаах.  Салгын температурата түүн -31… -33°С, күнүс -27… -29°С кыраадыс тымныы.