Салгыы
Сорох сирдэринэн күүстээх тыал түһүөҕэ

Сорох сирдэринэн күүстээх тыал түһүөҕэ

15.03.2023, 08:00
Хаартыска: Мария Васильева, СИА.
Бөлөххө киир:

Бу күннэргэ диэри тымныытын ыһыктыбакка турбут халлаан тыалырыа, сыыйа сылыйыа диэн иһитиннэрэллэр.

Саха сиринээҕи гидрометсулууспа начаалынньыгын солбуйааччы Татьяна Маршалик:

— Кулун тутар – кыһын сааһынан солбуллар кэмэ. Ол иһин халлаан туруга уларыйа турар. Өймөкөөн улууһугар турбут -50 кыраадыс тымныылар дьэ уҕарыйдылар. Ол курдук, иллэрээ түүн саамай тымныы Депутатскай бөһүөлэккэ этэ — 39 кыраадыс.

Саха сирин соҕуруу өттүгэр бэҕэһээ Хабаровскай кыраайтан циклон кэллэ, онон чугастааҕы сууккаҕа соҕуруу, күнүһүн киин уонна илин эҥээр улуустарга сорох сирдэринэн хойуу хаар, 9-14 миэтэрэҕэ тиийэ тыал түһэрэ итиэннэ түүнүн -15-20 кыраадыс, күнүһүн -7-12 кыраадыс тымныы буолара күүтүллэр. Саха сирин соҕуруу өттүгэр 5-7 кыраадыһынан сылаас буолуоҕа. Циклон салгыы өрөспүүбүлүкэ хотугулуу-илин өттүгэр барыаҕа.

Чэппиэргэ өссө биир циклон тахсара сабаҕаланар, ол эрээри, ол сүрүннээн Уус Маайа улууһугар биллиэ. Ону кытта арҕаа улуустарга антициклон туруоҕа, хаар кыралаан, онон-манан түһүөҕэ. Түүнүн -25-30, күнүһүн -5-10 кыраадыс тымныы буолуоҕа.

Нэдиэлэ бүтүүтэ циклон Арктика эҥээр күүһүрүөҕэ. Онон Анаабыр уонна Булуҥ улуустарыгар хаардыаҕа, 15-20 миэтэрэҕэ, сорох сирдэринэн 25-30 миэтэрэҕэ тиийэ тыалырыаҕа.

Субуотаҕа өрөспүүбүлүкэ арҕаа өттүгэр, өрөбүлгэ киин улуустарга Красноярскай кыраайтан халлааны биллэ сылытар, ириэрэр улахан циклон кэлиэҕэ, — диэн туһааннаах тэрилтэ телеграм ханаалыгар иһитиннэрэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: