Сорох улуустарга күүстээх тыал түһэрэ күүтүллэр

Алтынньы  8 күнүгэр Эдьигээн, Эбээн Бытантай, Дьааҥы, Усуйаана, Аллайыаха, Аллараа Халыма улуустарыгар   сөкүүндэҕэ  17-22 миэтэрэ, онтон Анаабырга уонна Булуҥҥа  19-24 миэтэрэ түргэннээх тыал   түһэрэ күүтүллэрин туһунан гидрометкиин суруйда.

Сарсын өрөспүүбүлүкэ соҕуруу, илин,  арҕаа уонна хоту өттүгэр кыралаан хаардыаҕа. Мантан атын оройуоннарга сөҥүү түһэрэ күүтүллүбэт.  Температура түүн  -2,-7 кыраадыс,  хотугулуу-илин  -18,-23, күнүс 0,-5,  соҕуруулуу-арҕаа  0,+5, хоту  -4,-9 кыраадыс буолуоҕа.

Алтынньы 9-10 күннэригэр өрөспүүбүлүкэ үгүс оройуоннарыгар хаардыаҕа.