Сорох улуустарынан -15°С кыраадыс буолара күүтүллэр

Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ алын тардыытынан, киин уонна соҕуруу улуустарга сорох сиринэн хаардыыр, оттон Халыма-Индигиир улуустарыгар сөҥүүтэ суох буолуо. Бу туһунан УГМС саайта иһитиннэрэр.

Өлүөнэ алын тардыытынан, соҕуруулуу-арҕаа улуустарга уонна Арктика кытылыгар сөбүгэр соҕус, сорох сиринэн сөкүүндэҕэ 9-14 миэтэрэҕэ диэри тыалырыа.

Салгын температурата түүн -30…-35°, былыта суох буоллаҕына уонна хотугулуу-арҕаа -37…-42°, соҕуруулуу-арҕаа -23…-28°, хотугулуу-илин -43…-48°, Өймөкөөҥҥө -48…-53° кыраадыс тымныы.

Күнүс салгын температурата -24…-29°, соҕуруу, соҕуруулуу-арҕаа -15…-20°, арҕаа -23…-28°, хотугулуу-илин -30…-35°, Өймөкөөҥҥө -43…-48° кыраадыс тымныы буолуо.

Дьокуускайга түүн -31…-33°, күнүс -25…-27° кыраадыс тымныы. Түүн, күнүс кыратык хаардыыр, тыала уларыйа сылдьар, сөкүүндэҕэ 1-5 миэтэрэ түргэннээх.