Сорох улуустарынан -40С кыраадыска диэри тымныйар

Сэтинньи 7 күнүгэр Саха сирин үгүс улуустарынан хаардыыр, сорох сиринэн -40С кыраадыска диэри тымныйар диэн Саха сиринээҕи УГМС синоптиктара билгэлииллэр.

Саха сирин арҕаа, хотугулуу арҕаа, Өлүөнэ алын тардыытынан кыралаан хаардыыр, сорох кэмҥэ инчэҕэй хаар түһэрэ сабаҕаланар. Кыра тыаллаах, тибиилээх, сөкүүндэҕэ 9-14 м. түргэннээх тыаллаах.

Салгын температурата киин улуустарынан түүн -22-27°С, хотугулуу-илин -35-40°С, арҕаа, соҕуруу -3-8°С, сорох сиринэн -11-16°С. Күнүс салгын температурата  -12-17°С, соҕуруу, арҕаа -2,+3°С, хотугулуу-илин -22-27°С кыраадыс тымныы.

Дьокуускайга күнүс кыратык хаар түһэрэ күүтүллэр, соҕуруулуу-илинтэн 1-6 м. түргэннээх тыаллаах. Салгын температурата түүн -25-27°, күнүс 15-17°кыраадыс тымныы.