Хаартыска: Виктория Контоева тиксэриитэ.
Бу күннэргэ Ил Түмэн Халыма-Индигиир уокуругуттан дьокутаат, «Якутскэнерго» ПАО генеральнай дириэктэрэ Гаврил Алексеев тэрийиитинэн хоту улуустартан үөрэх бастыҥнара “Кэлэр кэм энергетиктара” олимпиадаҕа кыайбыт оҕолор кэлэн, суолталаах тэрилтэ үлэтин-хамнаһын кытта билистилэр.
Норуот дьокутаата Дьокуускайга иккис төгүлүн анал идэҕэ анаммыт тууру ыытар. Олимпиада Халыма-Индигиир уокурук оскуолаларын үөрэнээччилэрин ортолоругар ыытыллар.
— Быйылгы тэрээһиҥҥэ ааспыт олимпиадаҕа тэҥнээтэххэ, икки төгүл элбэх кыттааччы баарын бэлиэтиир тоҕоостоох. Ол курдук, Өймөкөөн, Муома, Орто Халыма уонна Абый улуустарыттан 7-11 кылаастартан 200 оҕо кыттыыны ылла. Кинилэр энергетика устуоруйатыгар туһуламмыт тест толордулар, ону тэҥэ физикаҕа, математикаҕа уонна логикаҕа задачалары суоттаатылар. «Якутскэнерго» тэрилтэ исписэлистэриттэн турар анал хамыыһыйа бастыҥтан бастыҥы талан, 16 кыайыылаах оҕону киин куоракка ыҥырбыппыт. Кинилэргэ эбийиэктэрбитигэр сырытыннаран, үлэбит хаамыытын илэ көрдөрөн, идэлэрин таба талыыга сүбэ-ама биэрдибит. Оҕолор ЯГРЭС-2 тэрилтэҕэ уонна ХИФУ физико-техническэй институтугар, «Якутскэнерго» мусуойугар, «Бэйэҕин энергетик курдук санан» маастар-кылааска, “Тутто-Крутто” аралдьытар, сынньатар кииҥҥэ сырыттылар.
Инникитин бу оҕолор олохторун энергетиканы кытта ситимнээн, «Якутскэнерго» исписэлиистэрин кэккэтин хаҥаталларыгар эрэнэбит, — диэн Ил Түмэн дьокутаата санаатын үллэһиннэ.
Арсеньев аатынан бириэмийэ литературнай куонкуруһугар, бириэмийэ официальнай саайтарыгар тахсыбыт балаһыанньа быһыытынан, нууччалыы суруллубут уус-уран уонна…
Саха сирин сүүмэрдэммит хамаандата бу сыл сүрүн күрэхтэһиитигэр – Орел куоракка ыытыллыбыт оҕунан ытыыга Арассыыйа…
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…