Хаартыска: https://www.sakha.gov
Чурапчы сэлиэнньэтигэр саҥа магнитнай-резонанснай томографы (МРТ) таҥан туруоруу саҕаланна. Саҥа оборудование тутулла турар Чурапчытааҕы киин балыыһа иккис комплексыгар туруоҕа.
«Бу МРТ илин эҥээр улуустарыгар аан бастакынан үлэлиэ. Арассыыйа бэрэсидьиэнэ Владимир Путин быһаччы сорудаҕынан үлэлиир «Доруобуйа» национальнай бырайыак чэрчитинэн бу олоххо киирэр. Аныгы диагностыыр оборудованиелар киин куоракка эрэ буолбакка, оройуоннарга эмиэ үлэлиэхтэрэ. Ыарыыны эрдэ диагностаан билии сөпкө уонна хаачыстыбалаахтык эмтииргэ төһүү күүһүнэн буолар», – диэн Ил Дархан Айсен Николаев эттэ.
Саҥа оборудование сотору кэминэн үлэлээтэҕинэ, быраастар дьону Дьокуускайга ыыппакка эрэ барытын үрдүттэн быһааран, сөптөөх диагноһы тута туруорар кыахтаныахтара.
«Саҥа МРТ-аппараат Чурапчы улууһун дьонун эрэ буолбакка, чугас сытар улуустар олохтоохторун эмиэ көрүөҕэ. Томографы анал кэбиниэккэ туруоруохпут. Билигин ону оҥоруу барар. Ис үлэтэ үмүрүйдэҕинэ, вентиляцияны эҥин туруоруохтара. Түмүккэ МРТ-ны бэйэтин таҥан туруоруохпут», – диэн Чурапчытааҕы киин балыыһа кылаабынай бырааһа Николай Сивцев кэпсээтэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…