Сотору кэминэн нолуокка иэстэри суута суох ирдиир буолуохтара

Сэтинньи 1 күнүттэн саҥардыллыбыт балаһыанньалар күүстэригэр киирэллэр. Докумуоҥҥа суруллубутунан, физическэй сирэйдэртэн уонна бэйэ дьарыктаах гражданнартан (самозанятайдартан) сорох көрүҥнээх иэстэр суут быһаарыыта суох ирдэнэр буолуоҕа. Саҥа быраабылалар нолуок иэһин бэрээдэгэр сыһыаннаахтар.

Саҥа бэрээдэктэр гражданнар төлүүр нолуок эбээһинэстэригэр тарҕаналлар, холобур, 3-НДФЛ форманан декларацияны туттаралларыгар. Ону сэргэ, нолуок уорганнара ыыппыт бэрэбиэркэлэрин түмүгүнэн быһаарбыт уонна баайга-дуолга сыһыаннаах нолуоктарга эмиэ сыһыаннаах.

Төлөбүрү ирдиир иһитиннэрии Федеральнай нолуок сулууспатын саайтыгар баар тус кэбиниэт, «Госуслуги» портаал нөҥүө, ону таһынан заказной суругунан ыытыллыаҕа.