Хаартыска: Мария Васильева, СИА
Дьокуускай куорат Марха түөлбэтин 275 олохтооҕо чугастааҕы кэмҥэ социальнай гаастааһын бырагырааматынан олорор дьиэлэрин уонна гаражтарын гааска холбуохтара.
Бу туһунан «Сахатранснефтегаз» АХ генеральнай дириэктэрэ Алексей Колодезников ТГ-ханаалыгар суруйда. Ити сыал барыта гаас ситимин тардыыга торумнаммыт үлэ түмүктэнэринэн кыаллыаҕа.
«Биир идэлээхтэрбитин кытта гаас ситимин тардыыга Марха түөлбэҕэ Тепличнай, Крестьянскай уонна Мелиораторскай уулуссаларынан тутуу үлэ хаамыытын хонтуруоллаатыбыт. Бу учаастактарга үлэ ыам ыйын саҥатыттан саҕаламмыттара уонна быйыл атырдьах ыйыгар түмүктэниэҕэ. Манна Строительнай учаастагын управлениета айан суолу алдьаппакка гаас ситимин тардыыга саҥа ньыманан үлэлиир. Бу айан суоллары оннунан хаалларарга кыах биэрэр. Холобур, маннык ньыманан айан суолларын үрдүнэн гаас ситимин тардыыга 200-тэн тахса миэтэрэни аастылар. Билиҥҥи туругунан былааннаммыт 2 км уһуннаах гаас ситимиттэн 600-тэн тахса миэтэрэ турба сыбааркаланна уонна уурулунна.
Санаттахха, бу иннинэ оройуоҥҥа Марха олохтоохторо дьиэлэрин-уоттарын гаас ситимигэр холбооһуҥҥа аккаастаммыта бэлиэтэнэр. Билигин ити кыһалҕа Ил Дархан Айсен Николаев өйөбүлүнэн, 2022 сылтан өрөспүүбүлүкэ бүддьүөтүгэр гаас ситимин тардыыга сыл ахсын үбү-харчыны көрөргө сорудахтанан ситиһиллиэҕэ. Онон, мархаларга сотору кэминэн социальнай гаастааһын бырагырааматынан олорор дьиэлэрин гааска холбуур кыах үөскүөҕэ.
Аҕыйах хонуктааҕыта Үөһээ Бүлүүгэ "Бүтэһик чуораан" бырааһынньыгар Гоша Васильев-Джида "Сүрэхпит тэбэрин тухары" ырыатын толорор уолчаан…
СӨ Баһылыгын дьыалаларын управлениета уонна СӨ Бырабыыталыстыбата Дьокуускайга Өрөспүүбүлүкэ болуоссатыгар оҕо эчэйбит быһылаанынан маннык иһитиннэрэр:…
Аллараа Бэстээххэ тимир суол кэлиэҕиттэн, өрөспүүбүлүкэ олохтоохторо арыый да удамыр сыанаҕа пуойаһынан Владивостокка, Нерюнгрига, Благовещенскайга,…
Бүгүн – Социальнай үлэһит күнэ. Чокуурдаахха күннэтэ бөһүөлэк устун төттөрү-таары биир уһун уҥуохтаах, нууччалыы хааннаах…
Ааспыт сууккаҕа Саха сиригэр 10 буруйу оҥоруу буолбутун туһунан СӨ Борокуратуурата иһитиннэрэр. Ленскэй оройуонугар дьиэттэн…
Сыыппаралаах эйгэҕэ албыннатыы, түөкүннээһин, тус чахчылары уордарыы, куһаҕан дьон хара санаатыгар киирэн биэрии уо. д. а. тахса…