Сотору кэминэн сайыҥҥылыы сылаас күннэр туруохтара

Сааскы халлаан быйыл уларыйа сылдьар халлаанынан көрүстэ. Ыам ыйын бырааһынньыктарыгар сылаас күннэрин кэннэ нэдиэлэ устата ардах, сорох оройуоннарынан инчэҕэй хаар түспүтэ.

Бу күннэргэ дойду метеорологтара сылыктыылларынан, ол иһигэр Роман Вильфанд этэринэн, Саха сирин олохтоохторун бу нэдиэлэҕэ уларыйа сылдьар салгын температурата, түүн тоҥоруу уонна күнүс сылаас күннэр тураллара күүтэллэр. Бу туһунан РИА новости суруйар.

Синоптиктар бу күннэргэ сорох оройуоннарынан этиҥнээх ардах, күүстээх силлиэ тыал түһэрин сэрэттилэр. Онон оҕуруотчуттарга тэпилииссэлэри бөҕөргүтүгэр, үүнээйилэри тыалтан хаххалыыргытыгар, чалбах уута мунньуллубатыгар ханааба хаһан бэлэмнииргитигэр сүбэлииллэр. Ардыгар сорох улуустарынан сааскы халлаан үүнээйигэ уустуктары үөскэтэн, түүнүн тымныы уонна сөҥүүтэ суох күннэр туран, үүнээйи салгыы улаатарын бытаардыан сөп.

Бу ый устата түүнүн салгын температурата  –5 °C кыраадыска тиийэ тоҥорор, онон хортуоска, сылааһы сөбүлүүр үүнээйилэри олордор эрдэ диэн билгэлэнэр.

Ыам ыйын бүтэһик күннэригэр куйаас күннэр тураллара сабаҕаланар. Итининэн сибээстээн, эрдэтинэ оҕуруокка кутуллар ууну хааччыйан бэлэмнииргитэр сүбэлииллэр.