Сотору саҥа испэктээк. Маһары олорбут сиригэр сүгүрүйүү
![](https://sakha-sire.ru/wp-content/uploads/2024/06/mahary-7-1060x596.jpeg)
Б.Ойуунускай аатынан Саха тыйаатырын быйылгы 118-с сезонун түмүктүүр испэктээгинэн сахалартан бастакынан ыраахтааҕыга тиийэн норуотун туһугар Арассыыйа судаарыстыбатын муҥутуур баһылыгын кытары илии тутуспут Бөдьөкө Бөҕө уола Маһары Бозеков туһунан буолуоҕа.
![](https://sakha-sire.ru/wp-content/uploads/2024/06/mahary.jpeg)
Утум Захаров «Маһары. Ыраахтааҕыга айан» пьесатыгар Сергей Потапов режиссердаата. Испэктээк премьерата от ыйын 12-14 күннэригэр буолуоҕа. Эбэн эттэххэ, Саха тыйаатырын репертуара норуоппут киэн туттар дьонун олоҕун кэрэһэлиир өссө биир испэктээгинэн эбиллиэҕэ.
![](https://sakha-sire.ru/wp-content/uploads/2024/06/mahary-1.jpeg)
Ол иннинэ испэктээги туруорууга үлэлэһэ сылдьар тыйаатыр дьоно Хаҥаласка тахсан Истээх Мыраан тэллэҕэр Маһары олоро сылдьыбыт сирдэрин кэрийэн, сырдык аатыгар сүгүрүйдүлэр. Көмүс уҥуоҕа кистэнэ сытар Истээх Мыраанын анныгар Саха Өрөспүүбүлүкэтин норуодунай артыыһа Герасим Васильев испэктээк этэҥҥэ турарыгар, көрөөччүгэ тахсарын туһугар сир-дойду иччилэриттэн көрдөһөн, сахалыы сиэри-туому толордо.
Сообщить об опечатке
Текст, который будет отправлен нашим редакторам: