Хаартыска сахагофтан
Саха сирин салалтата тутааччыларга «Звезднай» түөлбэҕэ тутулла турар элбэх кыбартыыралаах 5 дьиэни 2023 сыл бастакы кыбаарталыгар диэри үлэҕэ киллэрэллэригэр сорудахтаата.
Бэҕэһээ, тохсунньу 29 күнүгэр, СӨ Бырабыыталастыбатын бэрэссэдээтэлэ Андрей Тарасенко тутулла турар дьиэлэри көрдө. «Звезднай» түөлбэҕэ тутулла турар дьиэлэртэн биирдэрэ саахалланар туруктаах дьиэттэн дьону көһөрүү бырагырааматын чэрчитинэн тутуллар. Ону тэҥэ, хас даҕаны дьиэ кэмиэрчэскэй хайысханан эмиэ тутуллар.
Олохтоохтор саҥа түөлбэҕэ тутулла турар дьиэлэртэн «Уһук Илиҥҥи ипотека», «Чэпчэтиилээх ипотека», «Дьиэ кэргэн ипотеката» бырагыраамаларын туһанан кыбартыыралары атыылаһыахтарын сөп. Дьиэлэргэ сылаас бэриллибит уонна ис өттүн оҥоруу үмүрүтүллэн эрэр.
Ил Дархан Айсен Николаев Ил Түмэн дьокутааттарыгар туһаайан этиитигэр инфраструктураны тутууга кирэдьииттээһиҥҥэ федеральнай үп-харчы туһаныллан, Дьокуускай куорат соҕуруу өттө сайдар диэн иһитиннэрбитэ. Бу түөлбэҕэ 600 миэстэлээх поликлиниканы, 315 миэстэлээх оҕо саадын, 990 миэстэлээх оскуоланы уонна универсальнай дэниллэр спортивнай сааланы тутуу саҕаланыаҕа.
2027 сылга диэри саҥа түөлбэҕэ элбэх кыбартыыралаах 30 дьиэ уонна икки этээстээхтэн саҕалаан аҕыс этээстээх 36 дьиэ тутуллуохтара. Барыта 11 тыһыынча кэриҥэ киһи саҥа түөлбэҕэ олоруоҕа.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…