Хаартыска: Сунтаар улууһун дьаһалтатын пресс-сулууспата
Үөрэх дьыла түмүктэнээтин, Саха сиригэр Оҕо саас сылыгар улуустарынан оҕолорго араас хайысхалаах сайыҥҥы оҕо лааҕырдара аһыллан үлэлииллэр. Ол иһигэр Сунтаар улууһун Күүкэй нэһилиэгэр 2014 сылтан саҕалаан өрөспүүбүлүкэ үрдүнэн ураты «Спасатель» оҕо лааҕыра сыл ахсын аһыллан үлэлиир.
Уустуйа нэһилиэгэр эмиэ маннык лааҕыр иккис сылын аһылынна. Манна анал исписэлиистэр, быыһыыр сулууспалар үлэһиттэрэ, иитээччилэр көмөлөрүнэн уолаттар араас тургутуулары ааһаннар эр киһи сатабылыгар, мындыр толкуйугар уһаарыллаллар.
Манна ыксаллаах быһыыгы-майгыга хайдах киһиэхэ суһаллык көмө оҥорого, быыһыыр дьаһаллары тэрийэн ыытарга, сааны ыһарга-хомуйарга олус наадалаах билиилэри биэрэллэр. Ону кытта лааҕырга 21 хонук устата көтүппэккэ сылдьыбыт оҕолор матыһыыкыл ыытарга «А» категориялаах быраабы ылар кыахтаналлар.
Төрөппүттэр оҕолоро 21 хонук устата киһи билбэт гына улаатан, оттомуран, эр киһилии киэҥ көҕүстээх буолан кэлэллэрин үөрэ-көтө кэпсииллэр. Бу курдук лааҕыр олоҕо элбэххэ үөрэтэр, сатабылы иҥэрэр. Бэс ыйын 8 күнүгэр Уустуйаҕа лааҕыр аанын аһар үөрүүлээх аһыллыытыгар улуус баһылыга Анатолий Григорьев уонна бастакы солбуйааччыта Николай Александров кыттыннылар диэн Сунтаар улууһун дьаһалтата иһитиннэрэр.
Санаттахха, быйыл быйыл сайын сынньалаҥ бары көрүҥүнэн 115550 оҕону сынньатар былааннанар.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…