СПИД-Киин исписэлиистэрэ ыччакка сырдатар үлэни ыыталлар

СПИД-Киин исписэлиистэрэ социальнай суолталаах ыарыылары сэрэтэр үлэлэринэн М.Донской аатынан өрөспүүбүлүкэтээҕи техникум-интэринээккэ сырыттылар.

Киин эпидемиологияҕа отделениетын сэбиэдиссэйэ Дмитрий Донской уонна ыарыыны сэрэтэр отдел медбрата Константин Данилов ыыппыт чинчийиилэригэр 92 киһи: устудьуоннар уонна үлэһиттэр кытыннылар. Исписэлиистэр социальнай суолталаах 5 инфекцияҕа (ВИЧ, В уонна С гепатит, сифилис, сэллик) тест оҥордулар.

Ону сэргэ, исписэлиистэр ВИЧ-инфекция уонна парентеральнай гепатиты сэрэтиигэ аналлаах  лиэксийэлэрин 30 устудьуон иһиттэ.

Маннык тэрээһиннэр  ыччат социальнай суолталаах ыарыылартан харыстаныы туһунан үчүгэйдик билэрин туһугар ыытыллаллар.