Хакасия киин куоратыгар, Абакаҥҥа, ССРС үтүөлээх маастара Сергей Карамчаков кэриэһигэр түмүктэммит Бүтүн Арассыыйатааҕы көҥүл тустуу турнирыгар 57 кг Лев Павлов (Сунтаар), 65 кг Артем Слепцов (Чурапчы института) кыһыл көмүс, 70 кг Иван Потапов (Чурпачы института), 125 кг Михаил Нестеров (ОЭУ) үрүҥ көмүс, 74 кг Олег Фомин (Чурапчы института), 86 кг Борис Гаврильев (Дьокуускай) боруонса мэтээллэри ылаттаатылар.
Красноярскайга 21 диэри саастаах ыччаттарга буокса Бүтүн Арассыыйатааҕы турнирыгар Покровскайга буоксаҕа дьарыктыыр оскуола иитиллээччитэ Николай Пшенников 60 кг түөрт утарсааччытын кыайталаан, бастакы миэстэни ылла. Бу иннинэ Николай Пшенников Новосибирскай куорат чөмпүйүөнүнэн буолбута уонна турнир бастыҥ боксерун аатын ылбыта.
Хабаровскайга кыра саастаах оҕолорго хаҥкы спордугар “Сочитааҕы Олимп” девизтээх күрэхтэһиигэ Саха сирин хамаандата саастарынан икки бөлөххө иккиэннэригэр үһүс бириистээх миэстэлэри ылаттаата.
Ордук табыллан, Дьокуускай куорат 10-с оскуолатыгар алын сүһүөх кылааска үөрэнэр Виталина Некрасова күрэхтэһэн үс мэтээллэннэ, ол иһигэр 500 м дистанцияҕа хаҥкынан сүүрүүгэ кыһыл көмүс мэтээл.
Нам улууһун Хамаҕаттатыгар саха оҕунан ытыыга Аҕа дойду сэриитин бэтэрээнэ Николай Николаевич Москвитин бирииһин өрөспүүбүлүкэтээҕи турнирыгар «куобах», «кус», «тииҥ» упражнениеларга 78 буолан күрэхтэстилэр.
Бүлүү бэргэн охчуттара Клара Спиридонова уонна хапсаҕай, көҥүл тустуу, сахалыы остуол оонньууларын спордун маастара Андрей Захаров абсолютнай чөмпүйөннэр үрдүк ааттарын ыллылар.
Баһылай Посельскай,
Дьокуускай.
Хаартыскалар ааптар тиксэриилэрэ
Бүгүн Владимир Путин Арассыыйа Бэрэсидьиэнин солотугар киирдэ. Бу бэлиэ түгэн туһунан Дьокуускай куорат 30 №-дээх…
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолла. СӨ Уопсастыбаннай балаататын…
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолан ааста. Бу ураты…
"Бастакылар хамсааһыннарын" көхтөөх кыттааччылара, үөрэнээччилэр Улуу Кыайыы 79 сылынан Дьокуускайга П.А.Ойуунускай аатынан норуоттар икки ардыларынааҕы…
Саха Өрөспүүбүлүкэтин Ил Дархана Айсен Николаев Арассыыйа Бэрэсидьиэнэ солотугар киирэр үөрүүлээх сиэригэр-туомугар кытынна. Ил Дархан…
Бүгүн Владимир Путин Арассыыйа Бэрэсидьиэнин дуоһунаһыгар киирэр ураты күнэ буолла. Владимир Путиҥҥа итэҕэйэммит, киниэхэ эрэнэммит талбыппыт…