«Спортивнай» түөлбэ саҥа тутууларынан тупсар

Дьокуускай куорат «Спортивнай» түөлбэтигэр  уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута былааннанар.

Бырайыак киин куорат сайдыытын чэрчитинэн олоххо киириэҕэ.  Арассыыйа бэрэсидьиэнэ Владимир Путин бигэргэппит куораты сайыннарыы генеральнай былааныгар киирэн, «Олох инфраструктурата» национальнай бырайыагынан ыытыллар.

Саҥа олорор дьиэ тутуута киин куорат олохтоохторун хаарбах дьиэлэртэн көһөрүү кыһалҕатын быһаарыаҕа. Уопсайа 8400 квадратнай миэтэрэ иэннээх уон аҕыс элбэх кыбартыыралаах дьиэ көтүрүллүбүтэ.

Микрооройуон кэлим сайдыытын хааччыйыыга үп-харчы хомунаалынай ситимнэри, ол иһигэр уоту, ууну уонна кирдээх уу систиэмэтин тутууга уонна саҥардыыга туттуллуоҕа.

«Спортивнай» түөлбэ сайдыыта социальнай эбийиэктэри олоххо киллэриини кытта ыкса ситимнээх.  Ол курдук, микооройуоҥҥа 240 миэстэлээх уһуйаан уонна элбэх өҥөнү оҥорор спортсаала аһыллыбыта.  Онон хаарбах дьиэлэртэн кэлэн олохсуйбут түөлбэ олохтоохторо бырайыак көмөтүнэн күннээҕи олохторо чыҥха уларыйбытын бэлиэтииллэр.

Маннык кэскиллээх үлэ «Биир ньыгыл Арассыыйа» бэлитииичэскэй  баартыйа «Норуот бырагырааматын» бырайыагын чэрчитинэн ыытыллар. Баартыйа эрэгийиэннээҕи сэкирэтээрэ, Ил Дархан Айсен Николаев Ил Түмэҥҥэ туһаайан этиитигэр 55 000 тахса өрөспүүбүлүкэ олохтооҕо хаарбах дьиэлэриттэн саҥа дьиэҕэ көспүттэрин бэлиэтээбитэ.

Сиһилии https://www.sakha.gov.ru/news/19707 сигэнэн аах.