Хаартыска: Дмитрий Ляшеев.
Кэлэр сыл сүрүн тэрээһининэн, уһун кэм устата тохтуу сылдьан баран сайдан тахсыбыт сиригэр – Саха Өрөспүүбүлүкэтигэр ыытыллар “Азия оҕолоро” норуоттар икки ардыларынааҕы спортивнай оонньуу буолар.
Оонньуу бырагырааматыгар спортивнай үҥкүү уонна уус-уран гимнастика киирэллэр. Спортсменнарга уонна успуорт бу кэрэ көрүҥнэрин сүгүрүйээччилэригэр улахан бырааһынньыгынан буолуоҕа. Күн бүгүн өрөспүүбүлүкэ Спортивнай үҥкүүгэ сойууһа уонна уус-уран гимнастика федерацията түөрт сылга биирдэ ыытыллар бөдөҥ тэрээһиҥҥэ, Саха сирин сүүмэрдэммит хамаандатын бэлэмнээһини болҕомто киинигэр илдьэ сылдьар.
Спортивнай үҥкүү сойууһун уонна уус-уран гимнастика федерациятын бэрэсидьиэнэ Людмила Николаева уонна Успуорт, физическэй култуура миниистирэ Леонид Спиридонов соторутааҕыта өрөспүүбүлүкэҕэ успуорт бу көрүҥнэрин билиҥҥи туруктарын уонна инники сайдыыларын итиэннэ “Азия оҕолоро” оонньууларга хамаандалар чопчу бэлэмнэниилэрин тула кэпсэттилэр.
Быйылгы сылга бу икки көрүҥ сайдыытыгар улахан уларыйыылар, түгэннэр буоллулар. Спортсменнар турнирдарга барыылара үксээтэ. Дойду инники күөҥҥэ сылдьар гимнастическай кииннэрин, Арассыыйа үрдүк таһымнаах тириэньэрдэрин кытта бииргэ үлэлэһии саҕаланна. Өрөспүүбүлүкэ икки сүүмэрдэммит састааба уонна хас даҕаны биирдиилээн кыттааччы Москваҕа уонна Ульяновскайга уус-уран гимнастикаҕа олимпийскай бэлэмнэнии киинигэр дьарыктаналлар. Онон өрөспүүбүлүкэ спортсменнар маастарыстыбаларын сайдыытыгар уонна үүнүүлэригэр эрэнэр.
Көрсүһүүгэ миниистир Леонид Спиридонов уонна икки улахан федерация салайааччыта Людмила Николаева кыттыгас үлэ былаанын, баар кыһалҕалары ырытыстылар уонна ону быһаарар суоллары тобуллулар.
Ону тэҥэ, Леонид Спиридонов үөрүүлээх быһыыга-майгыга спортивнай үҥкүүгэ өрөспүүбүлүкэ сүүмэрдэммит чилиэннэригэр Арылхан Даниловка уонна Милослава Мазановаҕа 2-с спортивнай эрэсэрээт иҥэриллэрин туһунан дастабырыанньалары туттарда.
СӨ Спортивнай үҥкүүгэ сойууһун уонна уус-уран гимнастикаҕа федерациятын пресс-сулууспата.
Бэрэсидьиэн Владимир Путин муус устар 1 күнүттэн от ыйын 15 күнүгэр диэри байыаннай сулууспаҕа сааскы…
Күн бүгүн "Манчаары оонньууларын" финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа,…
Бүгүн “Кыайыыны истиэххэ” аахсыйа көмөтүнэн Арассыыйа хайа баҕарар олохтооҕо номоххо киирбит, аҥардас куолаһыттан этиҥ сааһа…
Дьокуускайга наркотигы хонтуруоллуур управление үлэһиттэрэ уонна СОБР-ы көмөлөһүннэрэн ДПС иниспиэктэрдэрэ суһал информация киирбитинэн, 24 уонна…
Дьокуускайга ааспыт нэдиэлэҕэ “Якутское” ИДьМ МУ үлэһиттэрэ эриэйдэҕэ сылдьан, сокуону кэһэн туран арыгыны атыылыыр 4…
Горнай улууһун борокуратуурата Бүлүү улууһун «Инженернэй-тутуу управлениета» муниципальнай казеннай тэрилтэ дириэктэригэр тэриллибит холуобунай дьыалаҕа судаарыстыбаннай…