Хаартыска -- СӨ Аҕа баһылыгын уонна бырабыыталыстыбатын пресс-сулууспата
Ил Дархан Айсен Николаев уонна Казахстаан Өрөспүүбүлүкэтин туризмҥа уонна успуорка миниистирэ Ермек Маржикпаев быйыл икки дойдунан успуорт эйгэтигэр ыытыллаары турар норуоттар икки ардыларынааҕы күрэхтэһиилэргэ спортсменнары кытыннарарга сүбэлэстилэр.
Ол курдук, көрсүһүү кэмигэр Дьокуускайга ыытыллар “Азия оҕолоро” VIII норуоттар икки ардыларынааҕы оонньууларга уонна балаҕан ыйыгар Астанаҕа буолар V аан дойдутааҕы кочевниктар оонньууларыгар спортсменнар кыттыыларын дьүүллэстилэр.
Ермек Маржикпаев быйыл күһүн ыытыллар күрэхтэһиигэ мас-рестлинг көрүҥүн киллэрбиттэрин иһитиннэрдэ. Маны таһынан, миниистир “Азия оҕолоро” VIII норуоттар икки ардыларынааҕы спортивнай оонньуулар Казахстаан эдэр спортсменнарын сайдыыларыгар улахан оруоллааҕын бэлиэтээтэ.
Ил Дархан Айсен Николаев 1996 сыллаахха өрөспүүбүлүкэ Бастакы Бэрэсидьиэнэ Михаил Николаев төрүттээбит “Азия оҕолоро” күрэхтэһиилэр саҕаланыахтарыттан Казахстаан оҕолоро кыттан, үрдүк ситиһиилэнэллэрин бэлиэтээн туран, быйыл 259 эдэр спортсмен кыттарыгар сайаапкалаабытын иһитиннэрдэ.
Көрсүһүүгэ Саха сирэ уонна Казахстаан өрөспүүбүлүкэлэрэ салгыы бииргэ үлэлиир кэккэ тосхоллору торумнаатылар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…