ССРС норуотун артыыһа Инна Чурикова суох буолла

РФ Судаарыстыбаннай бириэмийэтин лауреата, “Аҕа дойду иннигэр үтүөлэрин иһин” уордьан толору кавалера, ССРС норуотун артыыһа Инна Чурикова 79 сааһыгар суох буолла.

Биллиилээх артыыс сүрэҕэ тохтоон быһынна диэн этэллэр. Былырыын сайын эрэпэтииссийэ кэмигэр сыанаҕа охтон уҥуохтарын тоһуппута биллэр. Ол кэнниттэн мэйиитигэр хас даҕаны искэҥнээҕэ (киста) биллибитэ. Вестибулярнай аппараатын үлэтэ кэһиллэн хас да төгүллээн охтубута иһиллибитэ. Ол эрээри, искэҥэ улаатан иһэр, сүрэҕэ тулуйуо суоҕа диэн эпэрээссийэлээбэтэхтэр. Хас да ый устата ыалдьан баран тохсунньу 14 күнүгэр суох буолла.

Инна Чурикова “Морозко” (1964 с.), “Тридцать три” (1965 с.), “Неуловимые мстители” (1966 с.), “В огне брода нет” (1967 с.), “Начало”  (1970 с.), “Тот самый Мюнхгаузен” (1979 с.), “Военно-полевой роман” (1983 с.), “Курьер” (1986 с.), “Мать” (1989 с.), “Ширли-мырли” (1995 с.), “Благословите женщину” (2003 с.), “Без вины виоватые” (2008 с.), “Без границ” (2015 с.), о.д.а. биллэр киинэлэргэ оонньообута.