«Стайер» сүүрүүнү таптааччылар кулууптара сүүрүүгэ марафон тэрийдилэр

Атырдьах ыйын 11 күнүгэр Намнааҕы култуура уонна сынньалаҥ пааркатыгар «Стайер» сүүрүүнү таптааччылар кулууптара тэриллибитэ биэс сылынан  уһун дистанцияҕа сүүрүүгэ өрөспүүбүлүкэтээҕи марафон тэрилиннэ.

Марафоҥҥа Новосибирскайтан, Благовещенскайтан, Нам, Таатта, Чурапчы, Уус Алдан улуустарыттан, Мииринэй, Дьокуускай куораттартан уопсайа 80 атлет кытынна. Бэлиэ түгэн кыттааччылар сэлэлии хааман киириилэриттэн саҕаланна диэн «Спорт Нам» ТГ-ханаала иһитиннэрэр.

Тэрээһин үөрүүлээх аһыллыытыгар спортсменнары Нам улууһун баһылыга Юрий Слепцов, улуустааҕы физическэй култуура уонна спорт управлениетын начаалынньыга Павел Иванов, «Стайер» сүүрүүнү таптааччылар кулууптарын салайааччыта Иннокентий Федоров эҕэрдэлээтилэр, ситиһиилэри баҕардылар. Күрэхтэһии саастарынан арахсан бөлөхтөрүнэн ыытылынна. Күрэхтэһии түмүктэрэ:

Дьахталларга:
2006-1985 с.т. – 5 000 м
1 м. — Федорова Сардаана, Нам улууһа (21,06.05),
2 м. – Готовцева Диана, Нам улууһа (21,09.89),
3 м. — Тобольшина Анжелина, Нам улууһа (23,19.46).

1984 -1970 с.т. – 5 000 м
1 м. — Посельская Алена, Нам улууһа (21,52.83),
2 м. – Пономарева Ирина, улууһа (24,11,8),
3 м. — Томская Мария, Хаҥалас улууһа (25,33.96).

1969 с.т. аҕа саастаахтарга — 5 000 м
1 м. — Ядрихинская Анна, Таатта улууһа (23,35.70),
2 м. – Федорова Дария, Амма улууһа (24,15.30)
3 м. — Доргуева Валентина, Таатта улууһа (24,30.30).

Эр дьоҥҥо:
2006-1985 с.т. – 5 000 м
1 м. — Саввинов Стас, Нам улууһа (17,47.24),
2 м. – Заровняев Иннокентий (18,46.15),
3 м. — Аянитов Юрий (18,52.86).

1984 – 1965 с.т. – 5 000 м
1 м. — Кузько Алексей, Благовещенск (17,48.05),
2 м. – Мордовской Геннадий (18,25.33)
3 м. — Дьячковскай Евгений, Нам улууһа (20,00.34).

1964 с.т. аҕа саастаахтарга — 5 000 м
1 м. — Аввакумов Василий (20, 13.50.)
2 м. – Новгородов Александр, Нам улууһа (20,32.43)
3 м. — Пестряков Петр, Нам улууһа (20, 49.17).

Бириистээх миэстэҕэ тиксибиттэр мэтээллэринэн, дипломнарынан наҕараадаланнылар. Маны сэргэ Ленскэй нэһилиэк дьаһалтата 5 тыһ. солк. суумалаах сэртипикээти муҥутуур кыайыылаахха анаата. Күрэхтэһии муҥутур кыайыылааҕынан Нам улууһуттан Саввинов Стас ааттанан, 5 тыһ. солк. суумалаах сэртипикээтинэн наҕараадаланна. Бары кыттааччыларга мэтээллэр уонна үбүлүөйүнэй футболкалар туттарылыннылар. Сүүрүү саамай аҕа саастаахтара Мииринэйтэн кыттыбыт 75 саастаах Горбунов Василий Михайлович уонна Тааттаттан 73 саастаах Анастасия Ивановна Колесова буоллулар.